რეგიონი
საქართველოს თხილის მწარმოებელთა ასოციაციამ „ფერმერთა მომსახურების ცენტრი“ წალენჯიხაში გახსნა (ვიდეო) ®
საქართველოს თხილის მწარმოებელთა ასოციაციამ (GHGA) წალენჯიხაში „ფერმერთა მომსახურების ცენტრი“ გახსნა, სადაც „თხილის გადარჩენის პროგრამაში“ ჩართულ ფერმერებს შესაძლებლობა ექნებათ მიიღონ მაღალი ხარისხის პესტიციდები შეღავათიანი პირობებით და ფასებით. მათ ადგილზე მოემსახურებიან კვალიფიციური კონსულტანტები.

აღნიშნული ცენტრი თხილის მწარმოებელთა ასოციაციის აღმასრულებელმა დირექტორმა გიორგი თოდუამ და სამეგრელო-ზემო სვანეთის გუბერნატორმა ალექსანდრე მოწერელიამ ადგილობრივ ფერმერებთან ერთად გახსნეს. გიორგი თოდუამ, ფერმერებს იმ სიახლეების შესახებ მიაწოდა ინფორმაცია რასაც ორგანიზაცია განახორციელებს. მისი თქმით, ასოციაციის თითოეული აგრო-კონსულტანტი მენეჯმენტს გაუწევს საშუალოდ 200 ჰექტარ თხილის ფართობს და ფერმერებს დამატებით მოამზადებს წამლობისა და რიგი აგროტექნიკური ღონისძიებების ჩატარების დროს უსაფრთხოების ნორმების დაცვაში.

„თხილის ინდუსტრიის გადასარჩენად აუცილებელია სამი კომპონენტი. ერთ-ერთი არის ცოდნის და გამოცდილების გაზიარება მოქმედ ფერმერთა ჯგუფებში. მეორე მნიშვნელოვანი კომპონენტი გახლავთ შხამ-ქიმიკატებსა და შესაწამლ აპარატებთან წვდომა და ამ აპარატებს ჩვენ გადმოგვცემს სოფლის მეურნეობის სამინისტრო, რასაც შემდგომ დავურიგებთ თითოეულ ჯგუფს. ასევე მნიშვნელოვანია, როგორც ნიადაგის ანალიზი, ასევე ხარისხიან პესტიცებთან წვდომა. სწორედ ამიტომ გაიხსნა ფერმერთა მომსახურების ცენტრი, სადაც ფერმერს საშეღავათო პერიოდში შეეძლება პრეპარატების შესყიდვა, გარდა ამისა ადგილზე მიიღებენ გამოცდილი აგრო-კონსულტანტების რჩევებს“, - აღნიშნა თოდუამ.

სამეგრელო-ზემო სვანეთის გუბერნატორმა ცენტრის მნიშვნელობაზე ისაუბრა და აღნიშნა, რომ ფერმერებს შესაძლებლობა ექნებათ მიიღონ კვალიფიციური მომსახურება და რაც მთავარია მათ გადაეცემათ წამლობის სქემა.

თავის მხრივ ფერმერები, რომლებიც ცენტრის გახსნას ესწრებოდნენ მიიჩნევენ, რომ ისინი დღეიდან ადგილზე მიიღებენ მაღალი ხარისხის მქონე პრეპარატებს და იმ გამოცდილებას, რომელიც ფერმერთა ასოციაციის აგრო-კონსულტანეტებს აქვთ.

„წალენჯიხაში გაიხსნა ფერმერთა მომსახურების ცენტრი, რაც ერთ-ერთი წინგადადგმული ნაბიჯია, რომელიც ფერმერებს დაეხმარება. ხელმისაწვდომია ასევე პრეპარატები, რომლებიც აუცილებელია წამლობისთვის. მისასალმებელია, ეს ყველაფერი, რომ მთელ რეგიონში ხდება“, - ამბობს ფერმერი გია აკობია.

„თხილის გადარჩენის პროგრამის“ ფარგლებში, რომელსაც საქართველოს თხილის მწარმოებელთა ასოციაცია ახორციელებს, გარემოს დაცვისა და სოფლის მეურნეობის სამინისტროს, აშშ-ის საერთაშორისო განვითარების სააგენტოს (USAID) და შპს „აგრიჯორჯია“-ს მხარდაჭერით, მომზადება გაიარეს იმ აგრო-კონსულტანტებმა, რომლებიც მოემსახურებიან თხილის მწარმოებელ ფერმერებს სამეგრელო-ზემო სვანეთის, გურიისა და იმერეთის მხარის მუნიციპალიტეტებში. თითოეული აგრო-კონსულტანტი მენეჯმენტს გაუწევს საშუალოდ 200 ჰექტარ თხილის ფართობს და წლის განმავლობაში განახორციელებს ვიზიტებს ფერმერების თხილის ბაღებში, მონიტორინგს გაუწევს სამუშაოების შესრულებას და გასცემს რეკომენდაციებს.

პროგრამის ფარგლებში ჩამოყალიბებულ ფერმერთა ჯგუფებს გადაეცემათ მაღალეფექტური შესაწამლი აპარატები, რომელთა მეშვეობითაც მოხდება აგროტექნიკური ღონისძიებების ფარგლებში რეკომენდებული წამლობის სამუშაოების მაღალ დონეზე ჩატარება.

საქართველოს თხილის მწარმოებელთა ასოციაციამ (GHGA) ფერმერების თხოვნით გასულ წელს ზუგდიდში შექმნა პირველი „ფერმერთა მომსახურების ცენტრი“, რომლის მომსახურებითაც სეზონზე 6000-მდე ფერმერმა ისარგებლა.

Print Email
FaceBook Twitter
ამავე კატეგორიაში
დღის სიახლეები
16 / ივლისი 2019
ანაკლიის ისტორიული ციხის ტერიტორიაზე ლოტბარ პოლიკარპე ხუბულავას სახელობის მეგრული ფოლკლორის პირველი საერთაშორისო ფესტივალი მიმდინარეობს.
16 / ივლისი 2019
ზუგდიდის შალვა დადიანის სახელობის დრამატული თეატრი 19 ივლისს 20-21 ივნისის ღამით, რუსთაველის გამზირზე აქციის დარბევისას დაშავებული მსახიობის
16 / ივლისი 2019
ქალაქ ზუგდიდის მაჟორიტარი დეპუტატი მერაბ ქვარაია ამბობს, რომ ზუგდიდში ვლაქერნობის უქმე დღედ გამოცხადებაზე ახალი შრომის კოდექსის ფარგლებში იმსჯელებენ.
საზოგადოება
კლინიკა „მედი“ საქართველოში 1999 წლიდან წარმატებით ფუნქციონირებს. იგი წარმოადგენს ცნობილ ესთეტიკურ ინოვაციების საერთაშორისო კლინიკათა ქსელს - „მედი-ესთეტიკს“ საქართველოში.
{{ARTICLEIMAGE}}ზუგდიდში, საარსებო წყაროების განვითარების ცენტრში (LDC) ყოფილ მსჯავრდებულებსა და პრობაციონერებს სოციალური უნარების ოთხდღიანი ტრენინგი თემაზე
„ანაკლიის განვითარების კონსორციუმის“ დამფუძნებელი მამუკა ხაზარაძე სექტემბერში საზოგადოებრივი მოძრაობის შექმნას აანონსებს.
არქივი
«« ივლისი 2019 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 22 °C
img
სოხუმი 22 °C
img
ფოთი 22 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.