რიკოთის საუღელტეხილო მონაკვეთზე მოძრაობა თავისუფალია, - ამის შესახებ საავტომობილო გზების დეპარტამენტის თავმჯდომარემ ვაჟა ფანჩულიძემ განაცხადა. "თბილისი–სენაკი–ლესელიძის საავტომობილო გზის 146-ე კმ-ზე, სადაც გუშინ მეწყერი ჩამოწვა, ამ დროისთვის მოძრაობა ყველა სახის ავტოტრანსპორტისთვის თავისუფალია. წუხელ შეზღუდვა რჩებოდა მხოლოდ მისაბმელიანი და ნახევარმისაბმელიან ავტოტნასპორტზე და ღამის განმავლობაში ისინიც გავატარეთ. ამ დროისთვის გზის სავალ ნაწილზე გაწმენდითი სამუშაოები დასრულებულია", - განაცხადა ვაჟა ფანჩულიძემ. მისივე განმარტებით, გაწმენდითი სამუშაოები გრძელდება სპეციალურად მოწყობილ ე.წ. ჯიბეზე, საიდანაც ნაშალი მასალა გააქვთ. მისივე თქმით, შესაძლოა, ტექნიკის გასვლა-გამოსვლასთან დაკავშირებით დღის განმავლობაში საავტომობილო მოძრაობის შეზღუდვა მცირე დროით მოხდეს. თბილისი–სენაკი–ლესელიძის საავტომობილო გზის 146–ე კმ–ზე მეწყერი გუშინ, დაახლოებით 14:00 საათზე ჩამოწვა. ამის გამო მოძრაობა დროებით აკრძალული იყო.