დადიანების სასახლეთა ისტორიულ-არქიტექტურული მუზეუმი, უფლისწული ნიკო დადიანის სასახლე მასპინძლობს გამოფენას ,,დადიანებში დაცული XX საუკუნის მხატვრობა“. დარბაზში წარმოდგენილია მეოცე საუკუნის ქართველი მხატვრების ელენე ახვლედიანის, ლეოპოლდ ძაძამიძის, გივი ნარმანიას, რობერტ სტურუას(უფროსი), მამია ახობაძის, გივი თორაძის, მიხეილ გაბუნიას, ჯიბსონ ხუნდაძის, ირინე ელიაშვილის, რუსუდან ფეტვიაშვილის, ედმონდ კალანდაძის, ირაკლია ფაჩულიას და სხვათა ნამუშევრები.

დღევანდელ გადაცემაში საუბარია მასკარონებზე, ადამიანის სახის ან ცხოველის თავის გამოხასულებიანი, უკანა მხრიდან ჩამოჭრილ და ბრტყელ ფუძეზე მიდგმულ სკულპტურულ მოსართავებზე. მასში წარმოდგენილია მამაკაცების, ქალების, ბავშვების, ახალგაზრდებისა თუ ხანდაზმულების თავები, ასევე ანტიკური პერსონების თავის ასლები, თეატრალური ნიღბები.ტერმინი მასკარონი მე-17 საუკუნეში გამოიყენეს და ეს გროტესკული გამოსახულებები, რაიმე ან ვინმე არარეალურის რეპრეზენტაცია გახლდათ.

გადაცემას უძღვება დადიანების სასახლეთა ისტორიულ - არქიტექტურული მუზეუმის დირექტორი დავით ოყუჯავა.

დღევანდელ გადაცემაში საუბარია იმ უნიკალური ფოტო ფონდის შესახებ რომელიც დაცულია დადიანების სასახლეთა ისტორიულ-არქიტექტურულ მუზეუმში. წარმოდგენილია მსოფლიოში ცნობილი ფოტოგრაფების: ნადარის, დაგრონის, დისდერის, პირსონის, ვიგანდის ბერგამასკოს, როტლინგერის, ლევიცკის, კაუფმანის, რიონაშვილის, ერმაკოვის, ვესტლის, ბარკანოვის, დიმიტრი ნიკიტინის და სხვათა ფოტოები, კოლექციის ნაწილია იშვიათი ფოტო-ალბომები, საქართველოში მოღვაწე ფოტოგრაფებისა, როგორებიცაა ვლადიმერ ბარკანოვი და დიმიტრი ნიკიტინი.

გადაცემას უძღვება დადიანების სასახლეთა ისტორიულ - არქიტექტურული მუზეუმის დირექტორი დავით ოყუჯავა.

დღევანდელ გადაცემაში საუბარია, იმ კონკრეტული წერილების შესახებ, რომლებიც წარმოაჩენს თუ რამდენი ძალა, ენერგია და შრომა დასჭირდა აკაკი ჭანტურიას სასახლეებში დაცული ექსპონატებისთვის ერთად მოეყარა თავი.