მარტოხელა პენსიონერებს შესაბამის თანხას ავუნაზღაურებთ-ირაკლი ღარიბაშვილი
მთავრობის დღევანდელ სხდომაზე სოციალურად დაუცველი ოჯახების სარეიტინგო ქულებთან დაკავშირებით საკითხზე პრემიერ-მინისტრმა ილაპარაკა. ირაკლი ღარიბაშვილის თქმით, სხდომაზე საარსებო შემწეობის აღდგენის საკითხს განიხილავენ.
"სამთვიანი მონიტორინგის შედეგად ყველა ის საკითხი გამოვლინდა, რაც შეცვლას და დახვეწას საჭიროებს. დღეს მარტოხელა პენსიონერებისთვის, რომლებიც პროგრამის მიღმა დარჩნენ, საარსებო შემწეობის აღდგენის საკითხს განვიხილავთ. კომპენსაციის სახით ავუნაზღაურებთ შესაბამის თანხას, რომელიც იმ თვეების განმავლობაში უნდა მიეღოთ, როდესაც შემწეობის მიღება შეჩერებული ჰქონდათ,"-განაცხადა ირაკლი ღარიბაშვილმა.
პრემიერ-მინისტრის თქმით, 2012 წლიდან შეფასების მეთოდოლოგია გაუმჯობესდა და ჯანდაცვის სამინისტრო მის დახვეწაზე მუდმივად მუშაობს.
მასალის გამოყენების პირობები