ახალი ამბები
ჩხოროწყუელი მეღვინე ბორდოში კოლხური ქალ-ღვთაების ქანდაკების დადგმას გეგმავს
ჩხოროწყუელი მეღვინე, კოლხური ვაზისა და ღვინის ასოციაციის თავმჯდომარე მიხეილ ცირდავა ბორდოში ღვინის ცივილიზაციათა მსოფლიო ცენტრისთვის საჩუქრად კოლხური ქალ-ღვთაების ქანდაკების გადაცემას გეგმავს. ცირდავამ რადიო „ათინათს“ უთხრა, რომ მანამდე უძველესი მეგრული ვაზის ჯიშებისგან დაწურულ ღვინოსთან ერთად ქანდაკებას ჯერ ამერიკაში, შემდეგ კი ესპანეთში ამოგზაურებს. ცირდავამ ქანდაკება ოსტატ ჯუმბერ ჯიქიას საკუთარი ხარჯებით დაამზადებინა.

„ეს არის ქალბატონი ცალ ხელში ღვინით სავსე თასით, მეორეში კი ყრმა უჭირავს. ფაქტობრივად, მეძუძური დედა ღვინის ღირსებას უყოფს ყურადღებას. ეს ერთგვარი გამოძახილია იმისა, თუ რა მაღალ დონეზე იყო ჩვენში განვითარებული სტუმართმოყვარეობა, ღვინის კულტურა. ეს ძეგლი ბევრად მნიშვნელოვანია თავისი შინაარსით ვიდრე ის "თამადა", რომელიც ვანშია აღმოჩენილი და რომლითაც ხდება საქართველოს, როგორც მეღვინეობის სამშობლოს პოზიციონირება. მინდა, რომ ეს ქანდაკება იქცეს სავიზიტო ბარათად სამეგრელოსი, კოლხეთის“, - გვითხრა ცირდავამ.

alt

ის აპირებს, რომ გაზაფხულზე ვაშინგტონში მეგობრების დახმარებით უძველესი ვაზის ჯიშებისგან დაწურული ღვინო წარადგინოს, ზაფხულში კი სიმპოზიუმზე ესპანეთში გაემგზავრება, რის შემდეგაც ბრინჯაოს ქანდაკება საფრანგეთში, ღვინის ცივილიზაციათა მსოფლიო ცენტრში მუდმივმოქმედ ექსპოზიციად დაიდებს ბინას.

„აქ, შესასვლელში უკვე დგას ქვევრი, შიგნით კი ეს ქანდაკება იქნება და ჩვენი სიამაყის კიდევ ერთი წერტილი გაჩნდება მსოფლიოში“, - აღნიშნა მეღვინემ.

გვიან ბრინჯაოს ხანის, ძვ. წ. აღ-ით VIII-VII საუკუნის ბრინჯაოს ქალ-ღვთაების ქანდაკებები არქეოლოგებმა ცაიშის სამარხებში აღმოაჩინეს.

მისი ანალოგი დადიანების სასახლეთა ისტორიულ–არქიტექტურული მუზეუმის შესასვლელ ჭიშკართან დაიდგა, თუმცა ის გასული წლის მაისში დააზიანეს. მისი აღდგენა, ჯერჯერობით, ვერ მოხერხდა.

ამავე თემაზე:

დადიანების ეზოში ქანდაკების დაზიანების ფაქტზე ჯერ არავინ დაუკავებიათ


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების განსახლება იგეგმება, ამის შესახებ „აფხაზური პორტალი“ იუწყება.
28 / მარტი 2024
ზუგდიდის მერიამ მუნიციპალიტეტის ტერიტორიაზე მოხეტიალე, უპატრონო და მიუსაფარი ძაღლების თავშესაფარში ან ვეტერინარულ კლინიკაში განთავსებაზე 25 806 ლარის ტენდერი გამოაცხადა.
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 17 °C
img
ფოთი 17 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.