გადაუღებელი წვიმების შედეგად ხობის მუნიციპალიტეტში ადიდდა მდინარეები, დაზიანდა ინფრასტრუქტურული ობიექტები და ელექტრო გადამცემი ბოძები. ადიდებულმა მდინარე ჭანისწყალმა ძველ ხიბულასა და ახალ ხიბულას შორის დამაკავშირებელ ხიდს მარჯვენა სანაპირო ბურჯი გამოაცალა და რკინის კონსტრუქციის ნაგებობა მიწაში ჩაიტანა. წყალდიდობამ ზიანი მიაყენა სოფელ ქარიატასა და ხორგის მოსახლეობასაც, დაიტბორა სასოფლო-სამეურნეო სავარგულები.
ინციდენტების ადგილზე ხობის მუნიციპალიტეტის გამგებელი გოჩა ქაჯაია, საკრებულოს თავმჯდომარე ედიშერ ჯობავა და ეკონომიკის სამსახურის წარმომადგენლები იმყოფებოდნენ. უამინდობის გამო მობილიზებული იყო პოლიცია და სახანძრო-სამაშველო სამსახურები. მნიშვნელოვანი ზარალის არსებობის შემთხვევაში, ადგილობრივი ხელისუფლება მოსახლეობას დახმარებას დაჰპირდა.
ფოტორეპორტაჟი რადიო „ათინათს“ ხობის მუნიციპალიტეტის საზოგადოებასთან ურთიერთობის სამსახურმა მიაწოდა.
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები