მულტიმედია
სიყვარულის 6 ამბავი (ფოტო, ვიდეო)
ვაჟა ლაშხიას და ნათელა კემულარიას ქორწინებიდან 63 წელი გავიდა. ცოლ-ქმარი ყვება, რომ ერთად საინტერესო, სიყვარულით, სითბოთი და ურთიერთმხარდაჭერით სავსე წლები გამოიარეს.


"დედამთილის ხელი ურევია ჩვენს სიყვარულში, მას ძალიან მოვეწონე, მერე ვაჟასაც ჩავუვარდი გულში, პირველად მას შევუყვარდი, თუმცა დიდხანს არაფერს არ მეუნებოდა, მიმალავდა. მერე გამომიტყდა სიყვარულში და მეც შემიყვარდა, რატომ არ უნდა შემყვარებოდა, კოხტა, მაღალი, "აკურატნი" ბიჭი იყო", - ამბობს ნათელა კემულარია.

ის ამაყობს თავის მეუღლით, რომელსაც დღემდე ლექსებს უძღვნის. ხანდაზმულ წყვილს ორი შვილი, ხუთი შვილიშვილი და ოთხი შვილთაშვილი ჰყავს.


ნიკა ჭეჟიამ და მარეხ ჯეჯელავამ ერთმანეთი საავადმყოფოში გაიცნეს. ახალგაზრდა ექიმმა სტუდენტი გოგონების ჯგუფში სწორედ ის გამოარჩია და მას შემდეგ ერთად არიან.

,,ახალი დამთავრებული მქონდა სწავლა. დამწყები ექიმი ფანჯრიდან ვიხედები, ეზოში სტუდენტების ჯგუფი იდგა და ერთი გოგონა შევნიშნე, ეს გოგონა აღმოჩნდა მარეხუნა", - იხსენებს ნიკა ჭეჟია.

,,ჩემს თავს ვხედავ მასში",  ამბობს ნიკა მეუღლეზე, რომელთანაც უკვე 14 წელია ცხოვრობს. ცოლ-ქმარი ორ შვილს ზრდის და კარიერაშიც წარმატებულია.

მათი ოჯახური ბედნიერების საიდუმლო მარტივია: ნდობა, პატივისცემა და ურთიერთგაგება.


რომეო ბულია და მაკა გვიჩია ცეკვის სიყვარულმა დააკავშირა. ერთმანეთი ქორეოგრაფიულ ანსამბლ "ჩელაში" გაიცნეს, სიყვარულიც მალევე ეწვიათ, ცოტა ხანში ქორწილიც გადაიხადეს.

"ქუჩაში ფეხით მივდივარ, გაჩერდა მანქანა და გადმოვიდა რომეო, ჩაჯექიო მანქანაში, გამიკვირდა! რა მინდოდა მის მანქანაში! მოტაცება მოინდომა, თუმცა ვერ მოახერხა!" 

- "ცალი ფეხსაცმელი ხომ წამოვიღეთ?" (რომეო).

"ერთ კვირაში დავქორწინდით" , - იხსენებს წყვილი.

უკვე 25 წელია ერთად არიან. ქორწინების დღეს, 10 აპრილს, დღესაც განსაკუთრებულად აღნიშნავენ. ცეკვა სამივე შვილს შეაყვარეს, ასე რომ ახლა მთელი ოჯახი ქართული ქორეოგრაფიის სამსახურშია.


ახალგაზრდა წყვილი ლაშა ლოგუა და ლალი ტყებუჩავა მეშვიდე წელია, რაც ქორწინებაში არიან. ერთმანეთი სენაკში გაიცნეს, თუმცა ურთიერთობა მაშინვე არ აუწყიათ.

,,მე სენაკში მივლინებით ვიყავი წასული სამსახურიდან. გამოვედი რესტორნიდან და ვნახე სამი ლამაზი გოგო. ზოგადად არ მახასიათებს აქტიურობა ამ კუთხით, იმ დღეს კი რაღაცამ გამოანათა, ,,მივაჭერი" გოგოებთან და გავიცანი, თუმცა არც სახელი და გვარი მითხრა ლალიმ და ასე დავშორდით. გავიდა ერთი წელი. არაფერი ვიცოდით ერთმანეთის შესახებ, თუმცა მოულოდნელად ისევ სენაკში შევხდით", - იხსენებს ლაშა ლოგუა.

სიყვარულის ისტორია ლაშას მიერ შესრულებული სერენადით დაიწყო და ქორწილით დასრულდა. ყველაზე დიდი საჩუქარი, ცოლ - ქმარმა 6 წლიანი ლოდინის შემდეგ მიიღო. გასულ წელს მათ პატარა საბა ეყოლათ.


რობერტ აბსანძის
ცხოვრების თანამგზავრი - მანანა კაკულიაა. ახალგაზრდა მხატვარმა  მომავალი მეუღლე ჯერ კიდევ მაშინ გაიცნო, როდესაც ის დამამთავრებელი კლასის მოსწავლე იყო. დამეგობრდნენ და რამდენიმე წელიწადში ოჯახიც შექმნეს.

,,სიყვარული არის პატივისცემა, ერთგულება ოჯახის, პიროვნების... სიყვარულს უნდა გაუფრთხილდე პირველ რიგში. ეს არის ადამიანის მიღება ისეთის, როგორიც არის", - ამბობს მანანა კაკულია.

წყვილი 35 წელია ერთად ცხოვრობს. მათ სამი შვილი და ორი შვილიშილი ჰყავთ. ცოლ - ქმარი მხატვარ-კერამიკოსის სახელოსნოშიც ერთად მუშაობს. მანანა კაკულია მეუღლეს საყვარელი საქმის გაძღოლაში ეხმარება.

ნანა შედანიამ და ედუარდ ფარცვანიამ 5 წლიანი მეგობრობის და თანამშრომლობის შემდეგ გადაწყვიტეს შეუღლება. პატარა გოგონამ, რომელიც რამდენიმე თვის წინ გაჩნდა, ოჯახში დიდი ხალისი შემოიტანა.

,,გაცნობის დღიდან დალაგებული ურთიერთობა გვაქვს, გაწონასწორებული. მივედით იქამდე, რომ დღეს უკვე გვყავს პატარა, მოცქნაფული გოგონა, რომელიც ძალიან ჰგავს მამიკოს. ეს არის იმ ხუთი წლის გზის შედეგი, რაც ერთად გამოვიარეთ", - ამბობს ედუარდი.

დღესაც ბევრი საერთო ინტერესი აქვთ, მათ შორის მოგზაურობა. ეს, წყვილის აზრით, მათ ურთიერთობას კიდევ უფრო მეტად ამყარებს და საინტერესოს ხდის.

ნანა შედანია ფიქრობს, რომ სიყვარული ბევრი კარგი შეგრძნების ერთობლიობაა, მათ შორის მეგობრობის, ურთიერთპატივისცემის და ერთმანეთის დაფასების.
Print Email
FaceBook Twitter
რ ე კ ლ ა მ ა
ზუგდიდის სოფელ კახათის #1 საჯარო სკოლის მოსწავლეები მიმდინარე წლის ზაფხულში გერმანიის, ავსტრიის, თურქეთის, აზერბაიჯანის, სომხეთის და საქართველოს საერთაშორისო ბანაკებში გაემგზავრებიან.
ევროპის ფონდი სამეგრელო-ზემო სვანეთის რეგიონში მოქმედი სამოქალაქო საზოგადოების ორგანიზაციებისა და ადგილობრივი მედიის წარმომადგენლებისთვის
ზუგდიდში, აღმაშენებლის #89-ში ავტოგასამართ ,,ვისოლის" სადგურთან სუპერმარკეტ "სმარტის" რიგით მეორე ფილიალი გაიხსნა.
საზოგადოება
„ანაკლიის განვითარების კონსორციუმი“ საქართველოს მთავრობის წინააღმდეგ ჟენევაში საარბიტრაჟო დავის დაწყებას აპირებს.
ზუგდიდის ბაღის ლოგოს კონკურში მონაწილეობის მიღება მსურველებს 10 თებერვლიდან შეეძლებათ. საკონკურსო პირობებზე ლოგოს შესარჩევად დაკომპლექტებულმა  სპეციალურმა კომისიამ დღეს იმსჯელა.
2020 წლის იანვარში ხე-ტყის უკანონო მოპოვებისა და ტრანსპორტირების 309 ფაქტი გამოავლინეს.
ამავე კატეგორიაში
დღის სიახლეები
17 / თებერვალი 2020
ზუგდიდში, ფრანგულ პარკში ტრადიციული რეწვის ნიმუშების გამოფენა-გაყიდვა მოეწყობა. საკრებულოს სხდომათა დარბაზში პროექტის ,,ეთნოცენტრი - ტრადიციული რეწვის განვითარებისთვის ზუგდიდის მუნიციპალიტეტში"
17 / თებერვალი 2020
„ამ ეტაპზე სეზონური რესპირატორული დაავადებათა შემთხვევების კლება შეიმჩნევა“, ამის შესახებ აფხაზეთის დე ფაქტო რესპუბლიკის ჯანდაცვისა და სოციალური უზრუნველყოფის მინისტრმა
17 / თებერვალი 2020
ერგეტაში საბავშვო ბაღი დროებით ადმინიტრაციულ შენობაში იფუნქციონირებს. აქ სააღმზრდელო პროცესი დღეს განახლდა. მერიის ა.ა.ი.პ "სკოლამდელ სააღმზრდელო დაწესებულებათა მართვის ცენტრის" ხელმძღვანელის ხათუნა
მთავარი საინფორმაციო გამოშვება
არქივი
ამინდი
ზუგდიდი 12 °C
img
სოხუმი 9 °C
img
ფოთი 8 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.