ახალი ამბები
TI: ფოთში თანამდებობის პირების ნაწილს დეკლარაციები არასწორად აქვს შევსებული
„საერთაშორისო გამჭვირვალობა-საქართველომ” თანამდებობის პირთა 20-ზე მეტი ქონებრივი დეკლარაცია შეისწავლა. ორგანიზაციაში ამბობენ, რომ შედეგად, დეკლარაციების არასრულად შევსების 7 ფაქტი, მათ შორის თანამდებობასთან შეუთავსებელი საქმიანობის 3, საკუთარი და ოჯახის წევრების კუთვნილი წილების არადეკლარირების 13 და კუთვნილი წილების სხვა პირებზე მინდობით გადაუცემლობის 6 ფაქტი გამოვლინდა.

არასამთავრობო ორგანიზაციის, ინფორმაციით, ფოთის მერის პირველმა მოადგილემ კონსტანტინე თოფურიამ, 2019 წლის იანვარში შევსებულ დეკლარაციაში არ მიუთითა, რომ ის და მისი მეუღლე შორენა ნაცვლიშვილი ფლობენ წილებს, ცალკეულ შემთხვევებში კი იკავებენ
დირექტორის პოზიციას შემდეგ კომპანიებში: შპს „ალტერო” - 100 %-იანი წილის მფლობელი და დირექტორი, შპს „თეაკომი” - 100 %-იანი წილის მფლობელი , დირექტორი შპს „ალტერო XXI” - 100 %-იანი წილის მფლობელი კოოპერატივი „რკ ნიუ ლეიქი” - თავმჯდომარე.

რაც შეეხება მის ცოლს, შორენა ნაცვლიშვილს, ის შპს „ნიუ ქეფითალ სისტემსის” დირექტორი, შპს „მალალას” 50%-იანი წილის მფლობელი და ხელმძღვანელია. გარდა ამისა, წილს ფლობს და კომპანია „მ2-ის” დირექტორის თანამდებობას იკავებს.

ამავე კვლევის მიხედვით, კონსტანტინე თოფურიას დეკლარაციაში აღნიშნული აქვს, რომ იგი არის შპს „ნაზვრევის” 50%-იანი წილის მფლობელი, თუმცა არ აქვს დეკლარირებული, რომ ამავე კომპანიის დირექტორი მისი მეუღლე შორენა ნაცვლიშვილია.

„ შორენა ნაცვლიშვილი ასევე არის შპს „თბილისი რეფიერ კომპანის” 100%-იანი წილის მფლობელი და დირექტორი (ინფორმაცია დეკლარირებულია), აღნიშნულ კომპანიას 2014-2018 წლებში 15 ტენდერში აქვს მონაწილეობა მიღებული, რომელთაგან 2017-2018 წლებში 5 შემთხვევაში გაიმარჯვა. ყველა ტენდერში შემსყიდველი ქალაქ თბილისის მერია იყო, ხელშეკრულებების ჯამურმა ღირებულებამ კი 5 927 178 ლარი შეადგინა“, - აღნიშნულია ინფორმაციაში.

ორგანიზაციის ინფორმაციით, ის ფაქტი, რომ კონსტანტინე თოფურია იკავებს დირექტორის პოზიციას შპს-ებში, წარმოადგენს კანონდარღვევას.

„ საჯარო სამსახურში ინტერესთა შეუთავსებლობისა და კორუფციის შესახებ კანონის თანახმად, თანამდებობის პირი არ შეიძლება საჯარო სამსახურს სამეწარმეო დაწესებულების ხელმძღვანელობას უთავსებდეს. გარდა იმისა, რომ კონსტანტინე თოფურიამ აღნიშნულ კომპანიებში უნდა დატოვოს დირექტორის თანამდებობა, საკუთარი წილებიც სამართავად სხვა პირს მინდობით უნდა გადასცეს“, - აცხადებენ ორგანიზაციაში.



გამჭვირვალობის კვლევის თანახმად, ფოთის მერიის ეკონომიკური განვითარებისა და ტურიზმის სამსახურის უფროსი ლევან ჩოჩიას 2019 წლის იანვარში შევსებულ დეკლარაციაში არ აქვს აღნიშნული, რომ მისი ძმა ირაკლი ჩოჩია არის შპს „ი.ტ.მ. ჯგუფის” 33%-იანი წილის მფლობელი, ასევე შპს “ლევიკას” 100% წილის მფლობელი და დირექტორი.

ფოთის მერიის საფინანსო-საბიუჯეტო სამსახურის უფროსი ნანა ჭანტურიას 2018 წლის მაისში შევსებულ დეკლარაციაში არ მიუთითებია, რომ მისი მეუღლე, ნოდარ მიქაძე არის შპს „პალიასტომი 2016”-ის 34%-იანი წილის მფლობელი და დირექტორი.

ფოთის მერის ჯანმრთელობის და სოციალური დაცვის სამსახურის უფროსს მაია მაკალათიას 2018 წლის ოქტომბერში შევსებულ დეკლარაციაში არ აქვს აღნიშნული, რომ იგი არის შპს „M.M.M.” თავმჯდომარეა.

ფოთის საკრებულოს თავმჯდომარეს ირაკლი კაკულიას 2018 წლის აპრილში შევსებულ დეკლარაციაში არ აქვს მითითებული, რომ იგი არის შპს „კარიბჭის” 25%-იანი წილის მფლობელი. ბადრი ასათიანი შპს „ფოთი ქალაქტრასნპორტის” დირექტორი ბადრი ასათიანს 2018 წლის მარტში შევსებულ დეკლარაციაში არ აქვს აღნიშნული, რომ შპს „ექსერგიას” 1%- იანი წილის მფლობელია.

რაც შეეხება შპს „ფოთი ქალაქპროექტის” დირექტორ ლეილა გვასალიას, მას დეკლარაციაში არ მიუთითებია, რომ მისი მეუღლე, გოჩა გურგენაძე შპს „ს/კ გივი ჭედია და კომპანიის” 25%-იანი წილის მფლობელია.

„საერთაშორისო გამჭვირვალობა-საქართველო” მიმართავს საჯარო სამსახურის ბიუროს, ამ ინფორმაციის საფუძველზე შეისწავლოს კვლევაში აღნიშნული პირების ქონებრივი მდგომარეობის დეკლარაციები შემდგომი რეაგირების მიზნით.
Print Email
FaceBook Twitter
თეგები: ფოთი / დეკლარაცია / TI /
დღის სიახლეები
24 / მარტი 2019
სამეგრელოში ხვალიდან გამოიდარებს და მომდევნო ორი დღის განმვალობაში უნალექო ამინდი შენარჩუნდება. ჰაერის მაქსიმალური ტემპერატურა 26 მარტს 11,
24 / მარტი 2019
ზუგდიდის მუნიციპალიტეტის სოფელ რუხში კაკაბაძეების ოჯახი დაკარგულ 83 წლის თალიკო პატარაიას ამ დრომდე ეძებს. ოჯახის წევრების ინფორმაციით, პატარაიას ადგილსამყოფელის
24 / მარტი 2019
მარტვილის კანიონზე სარეაბილიტაციო სამუშაოები მიმდინარეობს. ინფორმაციას დაცული ტერიტორიების სააგენტო ავრცელებს. ამავე ცნობით, ახალი ტურისტული სეზონისთვის მოეწყობა ახალი
საზოგადოება
{{ARTICLEIMAGE}}გადაცემის თემა: მოქალაქეთა ჩართულობა ადგილობრივი პოლიტიკის შემუშავებაში
სოციალურმა კაფემ "MegoBar" ბუბა სორდიას პერფორმანსს - "აკუსტიკური დაპირებები" უმასპინძლა. შეკრებილი საზოგადოებისთვის მომღერალმა თემატურად შერჩეული სიმღერები შეასრულა
29 წლის ილონა შონია წარმოშობით აფხაზეთიდანაა. ქართულ-აფხაზური კონფლიქტის დროს მისი ოჯახი საცხოვრებლად ზუგდიდში გადმოვიდა, სადაც ილონამ ბავშვობა
გამოკითხვა
ემხრობით თუ არა სკეიტ-პარკში, ყინულის სახლის ადგილზე სასტუმროს მშენებლობას?
არქივი
ამინდი
ზუგდიდი 8 °C
img
სოხუმი 3 °C
img
ფოთი 3 °C
img
მესტია -4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.