ახალი ამბები
ზუგდიდის მერიაში ახალი განყოფილება შეიქმნება
ზუგდიდის მუნიციპალიტეტის მერიის ეკონომიკური პოლიტიკისა და მუნიციპალური სერვისების სამსახურს აგროსერვისების კოორდინაციის განყოფილება დაემატება, რომელიც სოფლის მეურნეობის მიმართულებით იმუშავებს. შესაბამის გადაწყვეტილებას მხარი საკრებულომ რამდენიმე წუთის წინ დაუჭირა. საკითხს არ ემხრობა "ნაციონალური მოძრაობის" 6 დეპუტატი. საკრებულოს ეს წევრები მიიჩნევენ, რომ მერიის საშტატო ნუსხა დიდი რაოდენობით არის წარმოდგენილი და კადრების დამატება მიზანშეწონილი არ არის.

მეორე მხრივ, მერიის ინიციატივას დაეთანხმნენ ენმ-ს სხვა წევრები და პარტია "საქართველოსთვის" დეპუტატები. სხდომაზე საკრებულოს თავმჯდომარის მოადგილემ თემურ ბასილაიამ მერის მოადგილეს კონსტანტინე კაკავას ჰკითხა, რატომ არ დაკომპლექტდება აღნიშნული განყოფილება უშუალოდ არსებული რესურსით, თუმცა, აქვე დასძინა, რომ მსგავსი განყოფილების არსებობა აუცილებელია.

"კარგი იქნებოდა, რომ განყოფილება შევსებულიყო საშტატო კადრების ოპტიმიზაციის გზით, თუმცა, ამ განყოფილების აუცილებლობა დგას, რათა განხორციელდეს გლობალური პროექტები სოფლის მეურნეობის მიმართულებით და არ ვაპირებთ შეფერხებას", - აღნიშნა ენმ-ს წევრმა.

თავის მხრივ, მის კითხვაზე ვიცე-მერმა უპასუხა, რომ გადაწყვეტილება საკვალიფიკაციო მოთხოვნებიდან გამომდინარე მიიღეს და შიდა რესურსით განყოფილების დაკომპლექტება სწორედ ამის გამო ვერ მოხერხდა.

"მუნიციპალური ორგანო უნდა პასუხობდეს გამოწვევებს, სოფლის მეურნეობის მიმართულება არ უნდა იყოს პასუხისმგებელი პირის გარეშე. ამ განყოფილების თანამშრომლები და უფროსი უნდა იყვნენ შესაბამისი სპეციალისტები, რომელთაც ექნებათ საკმაოდ მოცულობითი ფუნქციები და ეს უნდა იყოს შემდგარი განყოფილება. ამ განყოფილების შექმნით სახელფასო ფონდი არ იცვლება, არ ემატება", - თქვა კაკავამ.

სხდომაზე ინიციატივა პარტია "საქართველოსთვის" წევრმა, იურიდიულ, სამანდატო და ადამიანის უფლებათა დაცვის კომისიის თავმჯდომარემ ბელა მოსიამ წარადგინა. მისი ინფორმაციით, განყოფილება 5 საშტატო ერთეულით დაკომპლექტდება, მათ შორის, განყოფილების უფროსი, 2 პირველი კატეგორიის უფროსი სპეციალისტი, ასევე 2 - მეორე კატეგორიის უფროსი სპეციალისტი.

"შპს "აგროსერვისის" ლიკვიდირების შემდგომ, ბუნებრივია, სოფლის მეურნეობას სჭირდება მხარდამჭერი პროგრამები, ჩემთვის, ასევე, ძალიან მნიშვნელოვანია, მაგალითად, ელექტრონული რუკა, დასაქმების ტიპის მსგავსი ბაზების შექმნა, საჭიროა კოორდინაციის თვალსაზრისით არსებობდეს სამსახური, რომელიც არსებული გამოწვევების მიმართულებით იმუშავებს. საკმაოდ კრიტიკული განხილვის შედეგად მიღებული გადაწყვეტილებაა", - აღნიშნა მოსიამ. 

გარდა ამისა, მერიის აუდიტის სამსახურის უფროსის მოადგილის ვაკანტური შტატი გაუქმდა და ინფრასტრუქტურული პროექტების მართვისა და არქიტექტურის სამსახურს დაემატა.




Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
დღის სიახლეები
28 / აპრილი 2024
რუსეთი ოკუპანტია - ასე მიმართეს ფოთის ვალერიან გუნიას სახელობის სახელმწიფო პროფესიული თეატრის მსახიობებმა სპექტაკლის შემდეგ დამსწრეებს.
27 / აპრილი 2024
ზუგდიდისა და ცაიშის ეპარქიამ ბზობის დღესასწაულის მოახლოებასთან დაკავშირებით განცხადება გაავრცელა, რომელშიც მრევლს მოუწოდებს, არ მოჭრან გადაშენების პირას მყოფი კოლხური ბზა.
27 / აპრილი 2024
გარემოსდაცვითი ზედამეხედველობის დეპარტამენტის სამეგრელო-ზემო სვანეთის რეგიონული სამმართველოების თანამშრომლებმა ბზის უკანონო მოპოვებისა და ტრანსპორტირების ფაქტი გამოავლინეს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 16 °C
img
ფოთი 16 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.