პარტია „დროას“ რეგიონული წარმომადგენელი და აქტივისტი მარიამ სიჭინავა სოციალურ ქსელში წერს, რომ ზუგდიდში პოლიციის ერთ-ერთი თანამშრომელი დაემუქრა და სიტყვიერი შეურაცხყოფა მიაყენა.

სოხუმში აცხადებენ, რომ „საპრეზიდენტო“ არჩევნებისთვის ოკუპირებული აფხაზეთის ტერიტორიაზე 152 საარჩევნო უბანი გაიხსნება. ამავე ცნობით, 5 თებერვლის მონაცემებით, საარჩევნო სიაში 135 ათასი ამომრჩეველია რეგისტრირებული.

შინაგან საქმეთა სამინისტროს თანამშრომლებმა, გენერალურ პროკურატურასთან ერთად, სამეგრელო-ზემო სვანეთსა და სხვა რეგიონებში ნარკოდანაშაულის ბრალდებით 22 პირი, მათ შორის 19 ნარკორეალიზატორი დააკავეს. ამის შესახებ ინფორმაციას სამინისტრო საკუთარ ვებ გვერდზე აქვეყნებს.

ზუგდიდის საკრებულოში დღევანდელი სხდომა ხმაურის ფონზე მიმდინარეობდა. დღის წესრიგით განსაზღვრული ათი საკითხიდან, საკრებულოს დეპუტატების უმრავლესობამ მხარი ცხრას დაუჭირა, ხოლო ხმაური მოჰყვა მეათე საკითხის, 2024 წლის ადგილობრივ ბიუჯეტში დარჩენილი ნაშთის, 5 368 300 ლარის, 2025 წლის ბიუჯეტში ასახვის განხილვას. კვორუმის არარსებობის გამო, საკითხი ჩავარდა. მას მხარი 20-მა დეპუტატმა დაუჭირა, წინააღმდეგი იყო - 5, ხოლო გადაწყვეტილების მისაღებად საჭირო ხმების რაოდენობა 23-ს შეადგენს.