"გორის დილა" პორტუგალიაში ევროპის ლიგის პლეიოფის პირველი შეხვედრისთვის ემზადება. თემურ შალამბერიძის გუნდი დღეს "მარიტიმუს" შეხვდება. "დილამ" მადეირაზე პირველი ვარჯიში 18-კაციანი შემადგენლობით ჩაატარა. დღევანდელ შეხვედრას "გორის დილა" საკადრო პრობლემებით ხვდება. გუნდს დისკვალიფიცირებული მათე ვაწაძე ვერ დაეხმარება. ტრავმების გამო, "გორის დილას" რიგებში ირაკლი მოდებაძე, კახა ალადაშვილი, გულვერდ თომაშვილი და ზურაბ არზიანი ვერ ითამაშებენ. დისკვალიფიკაციის შემდეგ კი საქართველოს თასის მფლობელს გოგიტა გოგუა დაუბრუნდა. აგრეთვე, ტრავმირებული ილურიძე და კაშია. "დილასთან" ერთად, პორტუგალიაში იმყოფება კლუბის ახალწვეული ირაკლი კლიმიაშივილიც, რომელიც ქართული კლუბის განაცხადში იქნება. "მარიტიმუსა" და "დილას" საფეხბურთო დაპირისპირება კუნძულ მადეირაზე დღეს, თბილისის დროით 23:00 საათზე დაიწყება. მატჩის ტელერეპორტაჟს მაყურებელს საზოგადოებრივი მაუწყებლის პირველი არხი შესთავაზებს.