ოჯახში ძალადობის საკითხებზე მომუშავე კომისია გადახალისდება და ის უმეტესად მამაკაცებისგან დაკომპლექტდება. იუსტიციის მინისტრის, თეა წულუკიანის განცხადებით, მამაკაცების მხრიდან ქალის კვლა სერიოზული პრობლემაა. წელს მსგავსი 25 ფაქტი დაფიქსირდა. წულუკიანს მიაჩნია, რომ სახელმწიფომ ოჯახში ძალადობის წინააღმდეგ მუშაობა უნდა გაააქტიუროს. კომისიის ცვლილების საკითხი მთავრობას ორ კვირაში წარედგინება. წულუკიანი იმედოვნებს, რომ კომისიას პრემეირმინისტრი უხელმძღვანელებს. „დღეს კაცის მიერ ქალის კვლა არის ქართული საზოგადოების სერიოზული პრობლემა. როგორც ეს არის ძალიან ბევრ სხვა დასავლეთ ევროპულ ქვეყანაში. პრემიერთან ჩემი შეხვედრის შედეგად გადავწყვიტეთ, რომ ის უწყებათაშორისი საბჭო, რომელიც ქალთა ძალადობის წინააღმდეგ მუშაობს საქართველოში და მას დღეს რეალურად ძველი შემადგენლობა აქვს, გადავახალისოთ ეს შემადგენლობა“, - აღნიშნავს თეა წულუკიანი.