დე ფაქტო აფხაზეთის ე,წ. პარლამენტის პასპორტიზაციის კანონიერების დამდგენი კომისიის თავმჯდომარე ასლან კობახია“ აფხაზურ - რუსული საზღვრის“ გარშემო ატეხილ აჟიოტაჟს გამოეხმაურა.„აფხაზურ სახელმწიფოს ყოველთვის ექნება საზღვარი მეზობელ სახელმწიფოებთან, ეს საკითხი განხილვას არც ექვემდებარება“ ,- განაცხადა მან. კობახიას თქმით, გამშვები პუნქტები უნდა იყოს ისეთი, რომ ადამიანებმა, ვერც კი შეამჩნიონ, რომ საზღვარი გადალახეს. „ასე ხდება მთელს ცივილიზებულ მსოფლიოში, სადაც მეგობრული ქვეყნები ესაზღვრებიან ერთმანეთს. ჩვენთან, სამწუხაროდ, ზოგიერთი რუსი ჩინოვნიკი განცხადებას აკეთებს საზღვრის გადაკვეთის წესების გამარტივების შესახებ, ხოლო პრაქტიკაში სრულიად საპირისპირო ხდება “,- დასძინა ასლან კობახიამ. სოხუმი უცხოელი ტურისტებისთვის ე.წ. ვიზის გაცემის წესების გამარტივებას გეგმავს.