დღეს, 25 იანვარს ჩეხეთში საპრეზიდენტო არჩევნების მეორე ტური დაიწყო. ხმის მიცემა შაბათს დასრულდება. ქვეყნის ყოფილი პრემიერი მილოშ ზემანი პრეზიდენტის პოსტის დასაკავებლად ვიცე–პრემიერსა და საგარეო საქმეთა მინისტრს კარელ შვარცენბერგს უპირისპირდება. პირველ ტურში ორივე კანდიდატმა ხმათა თითქმის თანაბარი რაოდენობა დააგროვა. მილოშ ზემანი მემარჯვენე პოლიტიკურ სპექტრს წარმოადგენს. დამკვირვებელთა ნაწილი მას პრორუსულად მიიჩნევს, თუმცა 1968 წელს ის ჩეხოსლოვაკიის კომუნისტური პარტიიდან იმისთვის გარიცხეს, რომ ქვეყნაში საბჭოთა ჯარის შეყვანის წინააღმდეგ გამოვიდა. ზემანის კანდიდატურას მხარს ჩეხეთის მოქმედი პრეზიდენტი ვაცლავ კლაუსი უჭერს. კარელ შვარცენბერგი, მემარცხენე ძალების კანიდიდატი, მოსკოვის პოლიტიკის მკაცრი კრიტიკითაა ცნობილი. ის დიდგვაროვანთა შთამომავალია და ცხოვრების დიდი ნაწილი ავსტრიაში, ემიგრაციაში გაატარა. ჩეხეთში მხოლოდ საბჭოთა ბლოკის დაშლის შემდეგ ჩავიდა. გარდა ამისა, ის ქვეყნის ყველაზე მდიდარი პოლიტიკოსია. თავის პირველ პოლიტიკურ მასწავლებლად შვარცენბერგი პოსტ სოციალისტური ჩეხეთის პირველ პრეზდენტს–ვაცლავ გაველს მიიჩნევს.