აშშ-ს პრეზიდენტმა ბარაქ ობამამ 2014 წლის ბოლოსთვის ქვეყნის ჯარების ავღანეთიდან გაყვანის შესახებ განაცხადა: მისი თქმით, უკვე მომავალი წლის დასაწყისისთვის ავღანეთის ბაზებს იქ განთავსებული 43 ათასი სამხედრო დატოვებს. მეორე ვადით პრეზიდენტად არჩევიდან აშშ-ის კონგრესში თავისი პირველი სიტყვის წარმოთქმისას, ობამამ პირობა დადო, რომ სახელმწიფოს ეკონომიკური ზრდის „ნამდვილ ძრავას“ - საშუალო კლასს განახლებული ძალით აამუშავებს, „ძლიერი ამერიკის“ ასაშენებლად. გარდა ამისა, პრეზიდენტმა კონგრესის წევრებს მოუწოდა უფრო მჭიდროდ იმუშაონ საბიუჯეტო დეფიციტის შეკვეცაზე, სახეlმწიფო ხარჯების შემცირებისა და საგადასახადო რეფორმის გზით.