- Error
ახალი ამბები
არჩევნების პერიოდში რადიოსაშუალებები ყველაზე მეტი მიუკერძოებულობით გამოირჩეოდნენ
2012 წლის საპარლამენტო არჩევნების მედიამონიტორინგის შედეგების თანახმად, რადიოსაშუალებები ყველაზე მეტი ნეიტრალურობითა და მიუკერძოებულობით გამოირჩეოდნენ.
როგორც სასტუმრო "ქორთიარდ მარიოტში" გამართულ პრეზენტაციაზე კვლევის ავტორებმა განაცხადეს, შემთხვევათა უმეტესობაში ეს გამოწვეული იყო იმით, რომ რადიოში საინფორმაციო გამოშვებები საკმაოდ მოკლეა და სააგენტოების მიერ მიწოდებულ ფაქტობრივ ინფორმაციას ეყრდნობა. შესაბამისად, ახალი ამბები ძირითადად ფაქტებზეა დაფუძნებული.
რაც შეეხება ონლაინ მედიასაშუალებებს, მკვლევარების განმარტებით, მონიტორინგის შედეგად გამოიკვეთა, რომ ახალი ამბების გაშუქება ძირითადად ფაქტებს ეფუძნებოდა, ხოლო მეტი სივრცე დაეთმო ოპოზიციური პარტიების გაშუქებას.
პრესამ კი არჩევნების გაშუქებას დაახლოებით 50 პროცენტი დაუთმო და ტელევიზიებთან შედარებით, ბეჭდური მედია პრეზიდენტს ძირითადად უარყოფითად აშუქებდა. ცალკეულ გაზეთებში მკვლევარებმა ჟურნალისტების მიერ სიძულვილის ენის გამოყენების ფაქტები და არაზუსტი ინფორმაციის გავრცელების შემთხვევებიც შენიშნეს.
რაც შეეხება სატელევიზიო არხებს, მკვლევარების ინფორმაციით, სატელევიზიო პროგრამების მრავალფეროვნებამ, ამომრჩეველთა მიერ ინფორმირებული გადაწყვეტილების მისაღებად საკმარისი პირობები შექმნა.
"მედიამონიტორინგზე ჩვენ ძალიან ბევრს ვმუშაობთ. საარჩევნო სტანდარტების დონის გასაუმჯობესებლად ევროკავშირმა ხუთი პროექტი განახორციელა. ვფიქრობ, იქნება ბევრი კრიტიკული შეფასება, რაც ნორმალურია. ჩვენ საბოლოო ჯამში უნდა გავზომოთ ჩვენი მიღწევები საერთაშორისო სტანდარტების მიმართულებით. ეს სამუშაო ძალიან მნიშვნელოვანია გრძელვადიან პერსპექტივაში, რადგან საქმე, რომელსაც მედია აკეთებს, მუდამ ფასდება. მოსახლეობა ჩვენგან ყოველთვის ითხოვს უკეთესს. მჯერა, რომ ამგვარი პროექტები ხელს შეუწყობს ქართული მედიის განვითარებას და თანდათან ყველაფერი უკეთესობისკენ შეიცვლება", - აღნიშნა ფილიპ დიმიტროვმა.
ქართული ტელე, რადიო, ბეჭდური და ონლაინ მედიასაშუალებების რაოდენობრივი და თვისობრივი მონიტორინგი 2013 წლის ბოლომდე გაგრძელდება. მონიტორინგს ახორციელებენ კავკასიის კვლევითი რესურსების ცენტრი "ინტერნიუსი საქართველო", "სამართლიანი არჩევნებისა და დემოკრატიის საერთაშორისო საზოგადოება" და "სამოქალაქო განვითარების ინსტიტუტი".
დაფინანსებული
ზუგდიდში ახალი გასტრონომიული სივრცე „სოხუმის ეზო“ გაიხსნა, რომელიც ამავე სახელწოდების სასტუმროს ტერიტორიაზე მდებარეობს.
ზუგდიდში მსოფლიოს წამყვანი ბრენდების სამოსისა და ფეხსაცმლის მაღაზია „Sense“ გაიხსნა, რომელიც მომხმარებლებს საუკეთესო ხარისხსა და ხელმისაწვდომ ფასებს სთავაზობს.
ზუგდიდში ბავშვებისთვის განსაკუთრებული სივრცე „Happy Peppi” გაიხსნა. ახალ გასართობ ცენტრში პატარებს ზღაპრული სამყაროს გმირები, ფერადი ატრაქციონები და მრავალფეროვანი აქტივობები ელოდებათ.
სტატია
ინტერვიუ
ამავე კატეგორიაში
დღის სიახლეები
04 / აგვისტო 2026
ზუგდიდში ახალი გასტრონომიული სივრცე „სოხუმის ეზო“ გაიხსნა, რომელიც ამავე სახელწოდების სასტუმროს ტერიტორიაზე მდებარეობს.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები