რუსეთის პრეზიდენტმა, ვლადიმირ პუტინმა ხელი მოაწერა კანონს , რომელიც საზოგადოებრივ ადგილებში მოწევის აკრძალვას ითვალისწინებს. პირველი შეზღუდვები ძალაში 2013 წლის პირველი ივნისს შევა, თუმცა საბოლოო ცვლილებები ერთი წლის შემდეგ - 2014 წლის პირველ ივნისს, როდესაც მოწევა გარდა სხვა ადგილებისა, რესტორნებსა და სასტუმროებშიც აიკრძალება. 2013 წლის ზაფხულში სიგარეტის მოწევას საზოგადოებრივ ადგილთა უმრაველესობაში ვერ შეძლებენ, მათ შორის, მეტროსადგურებში, აეროპორტებში, რკინიგზის სადგურებში (ტერიტორიაზე და შესასვლელებისგან 15 მეტრის რადიუსში), პლაჟზე, საბავშვო მოედნებზე, ლიფტში, საცხოვრებელი სახლების სადარბაზოებში და სამუშაო ადგილებზე. 2014 წლიდან თამბაქოზე მინიმალური საცალო ფასები დაწესდება, ხოლო მომავალი წლის პირველი ივნისიდან მოწევა მატარებლებში, სადგურების ბაქანზე, თვითმფრინავებში, ასევე ბაზრებში, რესტორნებში, კაფეებსა და სასტუმროებში აიკრძალება. დაწესებულებებში მოწევა მხოლოდ სპეციალურად აღჭურვილ ოთახებში იქნება ნებადართული. ამრიგად, პუტინის მიერ ხელმოწერილი კანონი მოწევას ფაქტიურად ყველგან აკრძალავს, გარდა ქუჩების, პირადი ავტომობილებისა და საკუთარი ბინებისა. გარდა ამისა, ერთ წლის შემდეგ, თამბაქოს პროდუქციის რეკლამა აიკრძალება ტელე და ვიდეოპროგრამებში. ამოქმედდება შეზღუდვები თამბაქოს საცალოდ გაყიდვის ადგილებთან დაკავშირებით. შესაბამისი კანონი ფედერაციის საბჭომ 20 თებერვალს დაამტკიცა.