დაზუსტებული მონაცემებით, ინდონეზიაში მომხდარი ავიაკატასტროფის შედეგად 141 ადამიანი დაიღუპა. ამის შესახებ Detik News-ი იუწყება. ჯერჯერობით უცნობია, რამდენი მგზავრი იმყოფებოდა სამხედრო თვითმფრინავის ბორტზე. ამ დროისათვის მხოლოდ ხუთი ცხედარია იდენტიფიცირებული. სამხედრო-სატრანსპორტო თვითმფრინავი Hercules C-130 ქალაქ მედანში სასტუმროსა და მის მიმდებარედ განლაგებულ სახლებს დაეცა. ის სამხედრო ბაზიდან ბუნგურანის კუნძულზე მიფრინავდა. თვითმფრინავი, რომლის ექსპლუატაციაც 1964 წელს დაიწყო, გუშინ აფრენიდან ორ წუთში ჩამოვარდა. მის ბორტზე იმყოფებოდნენ სამხედრო მოსამსახურეები თავიანთ ოჯახებთან ერთად. ინდონეზიის შეიარაღებული ძალების ხელმძღვანელობის განცხადებით ავიაკატასტროფის მიზეზი შესაძლოა ტექნიკური გაუმართაობა გამხდარიყო.