მოჰამედ მურსის მიერ გადადომაზე უარის თქმამ ეგვიპტეში კიდევ უფრო გაამწვავა მდგომარეობა. 16 ადამიანი დაიღუპა, 200 –ზე მეტმა სხეულის სხვადასხვა დაზიანება მიიღო ქაიროს უნივერსიტეტთან, სადაც ათეულობით ათასი პრეზიდენტის მომხრე შეიკრიბა. ისინი არმიის მიერ ხელისუფლებისთვის წაყენებულ ულტიმატუმს აპროტესტებდნენ. მურსის მომხრეების და მოწინააღმდეგეების დასაშლელად უნივერსიტეტთან ბრონეტექნიკა იქნა მოზიდული. ქაიროს ტაჰრირის მოედანზე, ასობით ათასი ადამიანი ისევ ითხოვს ისლამისტი პრეზიდნეტის გადადგომას. “არავის მივცემთ უფლებას, რომ კონფლიქტში ჩაგვითრიონ! ჩვენ ბოლომდე ერთად ვიდგებით, როგორც ერთიანი ფრონტი”, აცხადებენ ისინი. სამშაბათს საღამოს ოპოზიციის მიერ ხელისუფლებისთვის გადადგომის მოთხოვნით წაყენებული ულტიმატუმის დრო ამოიწურა. დღეს ეგვიპტის არმიის მიერ პოლიტიკოსებისთვის, კრიზისის დასაძლევად და კომპრომისის საძიებლად მიცემული 48 – საათიანი ულტიმატუმიც იწურება. წინააღმდეგ შემთხვევაში, სამხედროები საკუთარი სამოქმედო გეგმის წამოაყენებას აპირებენ. არმიამ უკვე განაცხადა, რომ „მზადაა სისხლი დაღვაროს, ეგვიპტელი ხალხის ტერორისტებისგან, რადიკალებისგან და უვიცებისგან დასაცავად ”.