ანაკლიაში მუსიკალური ფესტივალი Echowaves დღეს 19:00 საათზე
გაიხსნება. მთავარ სცენაზე პირველი შემსრულებელი Juan Atkins და
თბილისის სახელმწიფო კონსერვატორიის სტუდენტური
ორკესტრი იქნება. ფესტივალის ორგანიზატორების ინფორმაციით, ოთხი დღის
განმავლობაში სხვადასხვა ჟანრის მუსიკას 150-მდე არტისტი დაუკრავს.
მათ შორის არიან ჯგუფი Die Anwoord, Kollektiv Turmstrasse, Woo York,
Sigha, Shpongle და Solomun.
მუსკის გარდა პროექტი სპორტულ-გამაჯანსაღებელ აქტივობებს, სხვადასხვა
ტიპის სახელოვნებო, კულტურულ, სოციალურ და საგანმანათლებლო
ღონისძიებას მოიცავს.
მისი ჯამური ბიუჯეტი 6,162,360 ლარს შეადგენს, აქედან ტურიზმის
ეროვნული ადმინისტრაციის მიერ" ANAKLIA ECHOWAVES“ 4 160 000 ლარით
დაფინანსდება. 2 002 360 ლარს თავად ღონისძიების განმახორციელებელი
გაიღებს.
ღონისძიება 23-26 აგვისტოს ორგანიზაცია Anaklia Entertainment
Group-ის მიერ, პროექტ Check in Georgia-ს ფარგლებში ტარდება და ის
ევროპაში ერთ-ერთ ცნობილ ფესტივალ „EXIT”-ის ქოლგის ქვეშ
გაიმართება.
მასალის გამოყენების პირობები