ახალი ამბები
Covid – 19: ხვალიდან სოხუმი დამატებით შეზღუდვებს აწესებს
კორონავირუსის შემთხვევების მკვეთრ ზრდასთან დაკავშირებით, სოხუმში 15 ოქტომბრიდან 24 ნოემბრის ჩათვლით, დამატებითი შეზღუდვები ამოქმედდება.   შესაბამის განკარგულებას, აფხაზეთის დე ფაქტო რესპუბლიკის პრეზიდენტმა ასლან ბჟანიამ მოაწერა ხელი, წერს "აბხაზია ინფორმი".

ახალი რეგულაციების თანახმად, ხვალიდან აფხაზეთში იკრძალება მასობრივი, სპორტული, გასართობი, საგამოფენო ღონისძიებების ჩატარება. ამავე პერიოდში აკრძალულია, თეატრების, ბიბლიოთეკების, კულტურული ცენტრების, კულტურის სახლების, საკონცერტო და საგამოფენო დარბაზების ფუნქციონირება.

ასევე, არ იმუშავებენ სკოლამდელი სააღმზრდელო და საგანმანათლებლო დაწესებულებები: საბავშვო წრეები, სპორტული, ქორეოგრაფიული, სარეპეტიციო დარბაზები.  იკრძალება სპა და მასაჟის სალონების, საუნების მუშაობა.

ამ პერიოდის განმავლობაში, დროებით თავისუფლდებიან სამსახურებრივი მოვალეობის შესრულებისგან 60 წელს ზემოთ ასაკის, "სახელმწიფო და მუნიციპალურ ორგანოებში მომუშავე საჯარო მოხელეები", ასევე ის თანამშრომლები, რომელთაც სკოლამდელი და უმცროსი სასკოლო ასაკის შვილები ჰყავთ. იგივე რეგულაციები ვრცელდება კომერციული და არაკომერციული ორგანიზაციების თანამშრომლებზე.  

14 ოქტომბრიდან სავალდებულო ხდება ინდივიდუალური დაცვის საშუალებების გამოყენება დაწესებულებებსა და სავაჭრო ობიექტებში.

მოქალაქეებს რეკომენდაცია ეძლევათ საზოგადობრივი თავშეყრის ადგილებში ატარონ სამედიცინო პირბადეები და დაიცვან ჰიგიენის შესაბამისი ნორმები და სოციალური დისტანცია.

ოკუპირებულ აფხაზეთში, მანამდე, 5 ოქტომბრიდანაც ამოქმედდა გარკვეული შეზღუდვები.

13 ოქტომბრის მონაცემებით, სოხუმმა კორონავირუსით ინფიცირების 87 შემთხვევა დაადასტურა. გუდაუთის საავადმყოფოს ინფექციურ განყოფილებაში 147 კოვიდ დადასტურებული პაციენტი მკურნალობს, პანდემიის დაწყებიდან დღემდე აფხაზეთში კორონავირუსის 2430 შემთხვევაა დაფიქსირებული, მათგან გამოჯანმრთელებულია 1087, გარდაცვლილია - 23 ადამიანი.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 14 °C
img
ფოთი 16 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.