ჭყონდიდის ეპარქიის ახლად დანიშნულმა მიტროპოლიტმა სტეფანემ, გასულ კვირაში მომხდარი ინციდენტის შემდეგ, მარტვილის ღვთისმშობლის ტაძარში პირველი საკვირაო წირვა აღავლინა. მღვდელმთავარმა ქადაგებაზე შენდობის კვირის მნიშვნელობაზე ისაუბრა და ინციდენტის მონაწილე ჟურნალისტებს და სასულიერო პირებს მონანიებისკენ მოუწოდა.

„ამ წირვაზე თქვენი დასწრება, აქ ჩვენთან ერთად მსახურებაში მონაწილეობა ძალიან მნიშვნელოვანია თქვენი სულებისთვის და რას გამოიტანთ აქედან ეს არის მთავარი. მე გისურვებთ, რომ დღეს არის სინანულის დღე და თუ ვინმეს რამე შეცდომა დაუშვია, არასწორად გაუკეთებია ღმერთმა შეუნდოს და თვითონაც მოინანიოს, არამხოლოდ ჟურნალისტებმა, არამედ ნებისმიერმა ადამიანმა, მათ შორის, სასულიერო პირებმა“, აღნიშნა მიტროპოლიტმა.

ინფორმაციისთვის, ჭყონდიდის ეპარქიის რეზიდენციაში, სადაც საეკლესიო კრება მიმდინარეობდა, შეხლა-შემოხლის დროს შენობის მოაჯირი გატყდა  და მედიის წარმომადგენლები მესამე სართულიდან გადავარდნენ. მათ მოტეხილობები და დაჟეჟილობები აღენიშნებათ.



ამავე თემაზე:

ჭყონდიდის ეპარქიაში დაპირისპირებისას აივნის მოაჯირი ჩამოინგრა - დაშავდნენ მედიის წარმომადგენლები

მიტროპოლიტი სტეფანე: არავის დაუძახია ჟურნალისტებისთვის, ეს იყო პროვოკაცია

მიტროპოლიტი სტეფანე: ჩვენ გალობა დავიწყეთ და ჩავუგდეთ სპეცოპერაცია