ბოლო 24 საათში ქვეყნის მასშტაბით კორონავირუსზე 28 593 პირის კვლევა ჩატარდა. ტესტირების შედეგად გამოვლინდა ვირუსით ინფიცირების 671 ახალი შემთხვევა. აქედან 26 სამეგრელო-ზემო სვანეთში.

ამ ეტაპზე ინფიცირების მიმდინარე აქტიური შემთხვევა არის 9 057, საიდანაც 2 825 ადამიანი მკურნალობს საავადმყოფოში, მათ შორის, 191 სამეგრელოს კოვიდცენტრებში. მძიმეა რუხის საავადმყოფოში მოთავსებული 5 პაციენტის ჯანმრთელობის მდგომარეობა. 

გასული დღე-ღამის განმავლობაში ვირუსისგან რეგიონის მასშტაბით 64 პირი განიკურნა. საკარანტინო სივრცეში 15 ადამიანი რჩება.

საქართველოში კორონავირუსით კიდევ 17 ადამიანი გარდაიცვალა, პანდემიის გავრცელებიდან დღემდე ვირუსს ჯამში 5 131 პირი ემსხვერპლა.