ბაშარ ასადი და მისი მომხრეები მზად არიან აშშ–ისა და მისი დასავლელი პარტნიორების სირიის წინააღმდეგ შემუშავებულ სტრატეგიას, შესაბამისი პასუხი დაუყოვნებლივ გასცენ. დამასკოს წინააღმდეგ მიმართული ოპერაცია მთელს ახლო აღმოსავლეთზე აისახება და რეგიონის უსაფრთხოებასა და სტაბილურობას შეარყევს. ამის შესახებ ლიბანის ხელისუფლებამ და “ხესბოლახი“–ს წარმომადგენლებმა განაცხადეს. იგივე აზრი გამოთქვა ირანის უსაფრთხოების საკითხების საპარლამენტო კომისიის ხელმძღვანელმა, ალადინ ბარუჯერიმ: “ჩვენ ვთვლით, რომ სირიის წინააღმდეგ ნებისმიერი სამხედრო აგრესია მთელს ახლო აღმოსავლეთში გავრცელდება. პირველ რიგში, ის ისრაელის უსაფრთხოებას შეუქმნის საფრთხეს”. ამასთან, სირიის რამდენიმე საზოგადოებრივმა ორგანიზაციამ დამასკოში აშშ–ისა და დასავლეთის სამხედრო ოპერაცია გააპროტესტა. აქციის მონაწილეებმა განაცხადეს, რომ ისინი მზად არიან სტრატეგიული სახელმწიფო ობიექტები ავია დარტყმებისგან საკუთარი სხეულებით დაიცვან. თავის მხრივ, სახელმწიფო მედია საშუალებები აცხადებენ, რომ ვაშინგტონმა უკან დაიხია. სირიულმა გაზეთებმა ობამას კონგრესმენებისადმი მხარდაჭერისთვის გაკეეთებულ მიმართვას, „ისტორიული უკანდახევა“ უწოდეს.