სირიის პრეზიდენტმა ბაშარ ასადმა ამერიკულ ტელეარხ PBS -თვის მიცემულ ინტერვიუში განაცხადა, რომ აშშ-ს არ გააჩნია მტკიცებულბები იმისა, რომ მისმა მთავრობამ ქვეყნის მოსახლეობის წინააღმდეგ ქიმიური იარაღი გამოიყენა. ასადმა ასევე ხაზი გაუსვა იმას, რომ დასავლეთის ქვეყნების მიერ სირიაზე სამხედრო იერიშის შემთხვევაში, მისი მომხრეები ამ ქმედებებს უპასუხოდ არ დატოვებენ. სირიის პირველმა პირმა თავი აარიდა პასუხს კითხვაზე, ფლობს თუ არა მისი არმია ქიმიურ იარაღს, თუმცა მან თქვა, რომ ნებისმიერ შემთხვევაში ის ცენტრელიზებული კონტროლის ქვეშ იქნებოდა. შაბათს, აშშ-ის სახელმწიფო მდივანმა ჯონ ქერიმ განაცხადა, რომ იმ სახელმწიფოთა რიცხვმა, რომლებიც მზად არიან ბაშარ ასადის რეჟიმის წინააღმდეგ მიმართულ სამხედრო ოპერაციაში მიიღონ მონაწილეობა, უკვე „ორი ნიშნით“ გამოიხატება. აშშ პრეზიდენტი ასადს ბრალს სდებს 1429 ადამიანის დაღუპვაში, რომელიც 21 აგვისტოს, დამასკოს შემოგარენში განხორციელებულ ქიმიური შეტევას ემსხვერპლა.