ზუგდიდის საკრებულოს სხდომაზე ხმაური "ქართული ოცნების" დეპუტატის მიერ ფოტოების გამოფენას მოჰყვა, რომელზეც, მისი თქმით, "ნაციონალური მოძრაობის" მმართველობის პერიოდთან დაკავშირებული წარწერები იყო დატანილი.
![](/images/temp/2023/03/07/9e2e6cf525cfdddf597d51f39b2039fd.jpeg)
აღნიშნულს საკრებულოს წევრებს შორის შელაპარაკება მოჰყვა. დეპუტატებმა ერთმანეთს შეურაცხმყოფელი სიტყვებით მიმართეს. ენმ-ის ფრაქციის თავმჯდომარემ, მაია კალანდიამ ფოტოები დახია და მმართველი პარტიის დეპუტატს, თაზო ფაცაციას შეაყარა.
![](/images/temp/2023/03/07/2a1a3afec057dd59bdbbcb49386d635f.jpg)
ამასთან, სიტყვიერი დაპირისპირების დროს, ოპოზიციური პარტიის წევრებმა "ქართული ოცნების" დეპუტატს ოთარ ქადარიას წყალი შეასხეს.
![](/images/temp/2023/03/07/d3e38e8ed9c980e2af69f2026e1a64f9.jpg)
მოგვიანებით, ოთარ ქადარიამ და თაზო ფაცაციამ დამსწრეებს ბოდიში მოუხადეს და მომხდარის შეფასებისაკენ მოუწოდეს.
![](/images/temp/2023/03/07/86491f3fac6822f5a03a72ec2cfa16ed.jpg)
სიტუაციის განმუხტვის შემდეგ სხდომაზე შესვენება გამოცხადდა.
მასალის გამოყენების პირობები