ახალი ამბები
წალენჯიხის მუნიციპალიტეტი მეორეკლასელთა უფასო კვებისთვის სახელმწიფოსგან 208 000 ლარს ითხოვს
წალენჯიხის მუნიციპალიტეტის მერია მეორე კლასელთა კვების პროგრამის განსახორციელებლად სახელმწიფოსგან ფინანსურ მხარდაჭერას ითოხვს. ამის შესახებ რადიო "ათინათთან" წალენჯიხის მერის მოადგილემ ვანო ბურდულმა ისაუბრა. მისი განცხადებით 300-მდე მეორეკლასელის კვებითი უზრუნველყოფისთვის ცენტრალური ხელისუფლებისგან 208 ლარიანი დახმარებაა საჭირო.

წალენჯიხის მუნიციპალიტეტში პირველკლასელთა კვების პროგრამა 2023 წლის თებერვალში ამოქმედდა. 300 პირველკლასელის ყოველდღიური კვებით უზრუნველყოფისთვის ადგილობრივი ბიუჯეტიდან 220 000 ლარი გამოიყო. რადიო "ათინათთან" ინტერვიუში წალენჯიხის მერის მოადგილე ვანო ბურდულმა თქვა, რომ ცენტრალურ ხელისუფლებას უკვე მიმართეს მეორე კლასელთა კვებითი პროგრამის განსახორციელებლად თანხის გამოყოფისთვის.

"სკოლის მოსწავლეთა 35 პროცენტი საერთოდ არ იკვებება სკოლებში, წალენჯიხაში ბევრად მაღალია ამ მოსწავლეთა რიცხვი. ჩვენ გადავწყვიტეთ, რომ მეორე კლასელთათვისაც განგვეხორციელებინა უფასო კვების პროექტი. ამ ეტაპზე დაახლოებით 290- 300 ბენეფიციარი შეიძლება იყოს ახალი სასწავლო წლიდან, ჩვენ სახელმწიფოსგან 208 000 ლარიანი დაფინანსება მოვითხოვეთ, პირველკლასელთა მსგავსად ამ შემთხვევაშიც 4 ლარი განისაზღვრა ერთი მოსწავლისთვის. ვინაიდან ჩვენ მწირი ბიუჯეტი გვაქვს, გვინდა, რომ ცენტრალური ხელისუფლება დაგვეხმაროს."- უთხრა რადიო "ათინათს" წალენჯიხის მერის მოადგილემ ვანო ბურდულმა.

საქართველოს სტატისტიკის ეროვნული სამსახურის მიერ გაეროს ბავშვთა ფონდის მხარდაჭერით ჩატარებული ბავშვთა კეთილდღეობის კვლევის თანახმად, საქართველოში ბავშვების 38 პროცენტი სოციალურ დანაკლისს განიცდის.

2022 წლის ივლისიდან სექტემბრამდე ჩატარებული კვლევის ერთ-ერთი მიგნების თანახმად, გამოიკვეთა, რომ ბავშვების ერთ მეოთხედზე ოდნავ მეტი (27%) ყოველდღიურად იღებს სკოლაში საკვებს, ხოლო 35% არასდროს იკვებება სკოლის პერიოდში.

გასულ კვირას განათლების მინისტრმა განაცხადა,რომ სამინისტრო მოსწავლეების უფასო კვების პროექტზე მუშაობს. მისი თქმით, სკოლების მშენებლობა - რეაბილიტაციის პროექტის ფარგლებში ერთ-ერთი პრიორიტეტული კომპონენტი სასადილოების მოწყობა იქნება.


ამავე თემაზე: 

წალენჯიხაში პირველკლასელთა უფასო კვების პროგრამა ამოქმედდა

"ვიწყებთ მსჯელობას იმ სისტემაზე, როგორ დავფაროთ ყველა სკოლაში საბავშვო კვება" - განათლების მინისტრი

Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
ამავე კატეგორიაში
დღის სიახლეები
01 / მარტი 2024
რადიო ,,ათინათის’’ დილის გადაცემის სტუმარია ახალგაზრდა კარატისტი ნიკო კონჯარია, რომელმაც ფუჯეირაში გამართულ ახალგაზრდულ ლიგაზე ჩემპიონის ტიტული მოიპოვა.
01 / მარტი 2024
აფხაზეთის თვითგამოცხადებული რესპუბლიკის ხელისუფლება მოქალაქეებს დასაქმებას სთავაზობს სოხუმის აეროპორტში, რომლის ამოქმედება რუსი ინვესტორის დახმარებით იგეგმება.
01 / მარტი 2024
საქართველოში უმაღლეს საგანმანათლებლო დაწესებულებებს, უკვე არსებულ პროგრამებთან ერთად, ბიზნესის ადმინისტრირების მიმართულებით ბაკალავრიატის 3 წლიანი (არანაკლებ 180-კრედიტიანი) პროგრამა ექნებათ.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 15 °C
img
სოხუმი 13 °C
img
ფოთი 13 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.