ახალი ამბები
მაია კალანდიას და მარიამ სიჭინავას პროცესი გადაიდო (ფოტო)
ფრაქცია „ახალის“ თავმჯდომარის მაია კალანდიას და „დროას“ აქტივისტის მარიამ სიჭინავას სასამართლო პროცესები 13 მაისამდე გადაიდო.

ორივე მათგანს საიას ადვოკატები იცავენ. თუმცა, გამომდინარე იქიდან, რომ საქმეები არ გაერთიანდა და პროცესები ერთსა და იმავე დროს იყო ჩანიშნული, სიჭინავამ თავად მოითხოვა პროცესის გადადება, რადგან მისი საქმის განხილვას ადვოკატები არ ესწრებოდნენ.

რაც შეეხება მაია კალანდიას პროცესს, ადვოკატებმა დააყენეს შუამდგომლობა, რომ სხდომა გადადებულიყო, რადგან ვერ მოასწრეს საქმეზე მტკიცებულებების შეგროვება.

სხდომის დასრულების შემდეგ გამოსული ოპოზიციონერი პოლიტიკოსი და აქტივისტი ამბობენ, რომ მათ პოლიციისთვის წინააღმდეგობა არ გაუწევიათ.

„წარდგენილი მაქვს ბრალი, რომ არ დავემორჩილეთ პოლიციას, ასეთი რამ არ ყოფილა, რაც შეეხება სიტყვიერ შეურაცხყოფას, ჯერ თვითონ დაიწყეს და შემდეგ ვუპასუხე. მთლიანი კონტექსტი ეს შემიძლია გითხრათ, რომ ეს არის ყველაფერი გამომდინარე იქიდან, რაც ხდება საქართველოში, არა რუსულ კანონს, არა ოლიგარქიას, გაუმარჯოს დამოუკიდებელ საქართველოს!“, - თქვა მაია კალანდიამ

მარიამ სიჭინავამ დასძინა, რომ მისი დაკავების დროს გადამეტებული ძალა გამოიყენეს, ხოლო უკვე დაკავების შემდეგ, სამმართველოში მის მიმართ, სექსისტური განცხადებები ისმოდა:



,,არცერთი პოლიციელისთვის დაკავების მომენტში არ გამიწევია წინააღმდეგობა, პირიქით, მათ ვუთხარი, რომ მივყვებოდი და არ გამოეყენებინათ ძალა, თუმცა ჩვენ კარგად ვნახეთ დალურჯებები ხელებზე, სისხლჩაქცევები და ვნახეთ, რომ პოლიციამ ჩემ მიმართ გამოიყენა დაკავების მომენტში არაპროპორციული ძალა, ასევე, მანქანიდან სამმართველოს შენობაში მისვლამდე, პოლიციის უფროსი გამოირჩეოდა ჩემ მიმართ აგრესიით, მაყენებდა სიტყვიერ შეურაცხყოფას, ასევე, პოლიციის შენობაშიც გაგრძელდა, დაახლოებით ოთხი პოლიციელი მაყენებდა სიტყვიერ შეურაცხყოფას, მათი მხრიდან იყო ასევე სექსისტური განცხადებებიც: ,,რატომ არა, დარჩი, ლამაზი ქალბატონი ხართ და გიყურებთ, სხვა საქმე არ გვაქვს"...ვიღაცებს აწყობს, რომ ჩვენ გაგვტეხონ ფსიქოლოგიურად იმიტომ, რომ ძალიან კარგად იციან, ვერ შეგვაშინებენ, ვერ მოგვისყიდიან, ჩემთვის მიზეზი უცნობია რატომ დამაკავეს''.

30 აპრილს, ღამით, პოლიციის თანამშრომლებმა პარტია “ახალის” და საკრებულოს წევრი მაია კალანდია და “დროას” აქტივისტი მარიამ სიჭინავა ზუგდიდში მიმდინარე აქციაზე, ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციისათვის წინააღმდეგობის გაწევას გულისხმობს.


ამავე თემაზე:


ზუგდიდში მაია კალანდია და მარიამ სიჭინავა პოლიციამ, სავარაუდოდ, დააკავა (ფოტო)

მაია კალანდია და მარიამ სიჭინავა პოლიციისთვის წინააღმდეგობის გაწევის გამო დააკავეს - ადვოკატი

თბილისში მიმდინარე აქციაზე ზუგდიდელი აქტივისტი როსტო ზარანდია დააკავეს






Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
ამავე კატეგორიაში
დღის სიახლეები
24 / ივნისი 2024
გაგრის “პროკურატურამ” სისხლის სამართლის საქმე აღძრა ფსოუს ე.წ. საგუშაგოს ზონასთან რუსეთის მოქალაქის მკვლელობის საქმეზე. რუსული „ტასი“ იუწყება ამის შესახებ, დე ფაქტო რესპუბლიკის „გენერალურ პროკურატურაზე“ დაყრდნობით.
24 / ივნისი 2024
29-30 ივნისს წალენჯიხაში ,,გრანელის პარკში’’ რიგით მესამე ლიტერატურული ფესტივალი „გრანელი“ გაიმართება.
24 / ივნისი 2024
სალონიკიში გამართულ U17 ჭაბუკ ძალოსანთა ევროპის ჩემპიონატზე, ზუგდიდელი სპორტსმენი ირაკლი ვეკუა 3 ოქროს მედლით ევროპის ჩემპიონი გახდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 29 °C
img
სოხუმი 26 °C
img
ფოთი 25 °C
img
მესტია 19 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.