ზუგდიდის მუნიციპალიტეტის მერია ზვიად გამსახურდიას გამზირზე განთავსებული შადრევნის სარეაბილიტაციო სამუშაოების საპროექტო- სახარჯთაღრიცხვო დოკუმენტაციის შესადგენად 14 000 ლარს დახარჯავს. შესაბამისი ტენდერი ელექტრონული შესყიდვების ვებ გვერდზე გამოცხადდა.

ტენდერის მიხედვით, დღევანდელი მდგომარეობით,შადრევანი მწყობრიდან გამოსული, ვიზუალურად შელახული და გარემო-კომპლექსთან შეუფერებელია.

"მისი არქიტექტურული ნაწილი ნაწილი საჭიროებს რესტავრაციას ისე, რომ ობიექტი ესადაგებოდეს მიმდებარედ აღმართულ ყოვლადწმინდა ღვთისმშობლის მოზაიკურ ფრესკას, შადრევანი უნდა იყოს შედარებით მცირე გაბარიტების და წარმოადგენდეს, მოედნის განაშენიანებასთან ერთად, ერთ უწყვეტ სისტემას", - ვკითხულობთ პროექტის აღწერაში.

ტენდერში წინადადებები 19-დან 22 ივლისის ჩათვლით მიიღება. გამარჯვებულმა კომპანიამ კი ხელშეკრულების გაფორმებიდან 40 დღეში უნდა შეასრულოს პროექტით გათვალისწინებული სამუშაოები.

შეგახსენებთ, საქართველოს მთავრობის განკარგულებით, ზუგდიდში, გამსახურდიას გამზირზე მდებარე შადრევანი, რომელიც რამდენიმე თვეა არ ფუნქციონირებს, მუნიციპალიტეტს ძირითადი, განუსხვისებელი ქონების სახით გადაეცა. პრემიერ მინისტრის მიერ ხელმოწერილი დოკუმენტით, საქმე ეხება ამავე ლოკაციაზე არსებულ მიწის ნაკვეთსაც.

ინფორმაციისთვის, 2018 წელს შადრევნის იერსახის შეცვლა მერიის კეთილმოწყობის სამსახურმა სცადა და ნაწილობრივ ლურჯად შეღება, თუმცა მოგვიანებით, მუნიციპალიტეტის ხელისუფლების გადაწყვეტილებით, ის ისევ მწვანედ გადაღებეს. თავდაპირველად, შადრევანი 2005-2007 წლებში განთავსდა ზუგდიდის თავისუფლების მოედანზე.

ამავე თემაზე:

ზუგდიდის მთავარი შადრევანი, რომელიც რამდენიმე თვეა გამორთულია, მუნიციპალიტეტს ძირითადი ქონების სახით გადაეცა

მერიაში არ ამბობენ, რამდენ ხანს იქნება გაუმართავი შადრევანი მთავარ მოედანზე

ზუგდიდის მთავარი შადრევანი დაზიანების გამო ათ დღეზე მეტია გამორთულია

ზუგდიდის მთავარ შადრევანს ცისფრად ღებავენ

ზუგდიდის ცენტრალურ შადრევანს დიზაინი შეუცვალეს