სენაკის მუნიციპალიტეტის მერიამ ჰემოდიალიზის აპარატის შესაძენად 12 947 ლარი გამოყო. ამის შესახებ ინფორმაციას სახელმწიფო შესყიდვების ვებ გვერდზე ვეცნობით.

სატენდერო დოკუმენტის მიხედვით, გამარჯვებულ კომპანიას დაევალება: შესყიდვის ობიექტის ინსტალირება/მონტაჟი, პერსონალის გადამზადება და საჭიროების შემთხვევაში, სატელეფონო კონსულტაცია.

დოკუმენტში განმარტებულია, რომ მიმწოდებელმა მონტაჟი უნდა უზრუნველყოს საჭირო მარაგნაწილებით.

ტენდერში წინადადებები 31 ივლისიდან - 2 აგვისტოს ჩათვლით მიიღება. გამარჯვებულმა ხელშეკრულების დადებიდან 10 დღის ვადაში უნდა შეასრულოს სატენდერო დოკუმენტში გაწერილი სამუშაოები.

შეგახსენებთ, სენაკში დიალიზის სახელმწიფო სერვისი მიმდინარე წლის 14 თებერვალს ამოქმედდა.


ამავე თემაზე:

სენაკში დიალიზის სერვისცენტრი გაიხსნა

ფოტო: დევნილთა, შრომის, ჯანმრთელობისა და სოციალური დაცვის სამინისტრო