რუსეთის საგანგებო სიტუაციათა სამსახური უარყოფს სოჭში კოკისპირული წვიმის გამო საგანგებო მდგომარეობის გამოცხადებას. გადაუღებელმა წვიმებმა სოჭის მდინარეების მკვეთრი ადიდება გამოიწვია. გუშინ დღისით ამუშავდა საგანგაშო სირენები, რაც მდინარე სოჭში წყლის დონის კრიტიკულ ზღვრამდე მიღწევის ნიშანი იყო. სოჭის მერიის ინფორმაციით ყველაზე მეტად ადლერისა და ლაზარევსკის რაიონები დაზარალდა. საღამოს მკვეთრად აიწია მდინარე მზიმთას წყლის დონემ და ძლიერმა ნაკადმა საფეხმავლო ხიდი წალეკა. საგანგებო სიტუაციათა სამსახური ტყობინება, რომ ავარიულ–აღდგენით სამუშაოებზე გამოყოფლი თანამშრომლების რაოდენობა გაიზარდა. ქალაქის ადმინისტრაციის განცახდებით დატბორილია სოჭი–ადლერის გზის რიგი მონაკვეთები. ამ დროისთვის სტიქიისგან დაზარალებულ ქალაქში ისევ წვიმს. სინოპტიკოსები გამოდარებას ხვალ დილისთვის ვარაუდობენ. სოჭში დაკეტილია საბავშვო ბაღები და სკოლები. სანატორიუმებსა და დასასვენებელ სახლებში მომზადებულია ადგილები, ხალხის შესაძლო ევაკუციის შემთხვევაში. თუმცა ქალაქის ზოგიერთ უბნებში სიტუაცია უკვე სტაბილურია. [gallery link="file" columns="4"]