ენგურის ხიდი 2024 წლის 23 ოქტომბრიდან 30 ოქტომბრის ჩათვლით დროებით დაიკეტება. შესაბამისი გადაწყვეტილება 18 ოქტომბერს, აფხაზეთის დე ფაქტო რესპუბლიკის „უსაფრთხოების საბჭოს“ სხდომაზე მიიღეს.

ამავე ცნობით, ამ პერიოდში გადაადგილების შეზღუდვა დაკავშირებულია 26 ოქტომბერს საქართველოში საპარლამენტო არჩევნების დროს „რადიკალური ძალების შესაძლო პროვოკაციებთან“.

შეხვედრაზე ასევე განიხილეს უპილოტო საფრენ აპარატთან დაკავშირებული ინციდენტი.

აქვე აღნიშნულია, რომ „უშიშროების საბჭოს“ წევრებმა მხარი დაუჭირეს „სახელმწიფო უსაფრთხოების სამსახურის“ წინადადებას ენგურის საგუშაგოს დაკეტვის შესახებ, აკრძალვა არ შეეხება „აფხაზეთის რესპუბლიკის მოქალაქეებს“ და „ბინადრობის ნებართვის“ მქონე პირებს, ასევე ენერგოკომპანიების თანამშრომლებს.

აფხაზმა ლიდერმა ასლან ბჟანიამ სამართალდამცავი სტრუქტურების ხელმძღვანელებს, დანარჩენ საქართველოში 26 ოქტომბრის საპარლამენტო არჩევნების პერიოდში, "საგანგებო რეჟიმში მუშაობა დაავალა".