"სოციალური კვლევისა და ანალიზის ინსტიტუტის" (ISSA) კვლევის მიხედვით, გამოკითხულთა უმრავლესობა, 46,5% - ყველაზე მნიშვნელოვან პრობლემად მაღალ ფასებს მიიჩნევს, 42,1% - უმუშევრობას, 21,0% - ქართველების ემიგრაციას ქვეყნიდან.

მათივე ცნობით, კითხვაზე, როგორ ფიქრობთ, რომელია სამი ყველაზე მნიშვნელოვანი პრობლემა, რომლებიც, დღესდღეობით, ქვეყნის წინაშე დგას? პასუხები შემდეგნაირად განისაზღვრა:

46,5% - მაღალი ფასები
42,1% - უმუშევრობა
21,0% - ქართველების ემიგრაცია ქვეყნიდან
18,0% - ნარკოტიკების გავრცელება/გამოყენება
16,4% - სიღარიბე
15,5% - უსამართლოდ ჩატარებული საპარლამენტო არჩევნები
15,4% - კრიმინალი და დაუცველობა
13,0% - დაბალი ხელფასები
12,0% - ჯანდაცვის ხელმისაწვდომობა
12,9% - დაბალი პენსიები
11,6% - ზოგადი განათლების ხარისხი
8,3% - დემოკრატიისა და ადამიანის უფლებების შელახვა
7,3% - უმაღლესი განათლების ხარისხი
6,8% - სასამართლოს დამოუკიდებლობა
6,5% - ლგბტ ცხოვრების წესის გავლენა
6,3% - რუსეთთან ომში საქართველოს ჩართვის საფრთხე
4,0% - დასავლეთთან ცუდი ურთიერთობა
3,8% - ქართული ოცნების მიმართ მოსახლეობის დიდი ნაწილის უნდობლობა
3,7% - რუსეთის მიერ ოკუპირებული ტერიტორიები
2,3% - სუსტი პოლიტიკური ოპოზიცია
2,7% - სხვა
0,3% - ეთნიკური უმცირესობების გარიყვა/მათ მიმართ უყურადღებობა
0,1% - მიჭირს პასუხის გაცემა
0,4% - უარი პასუხზე

სოციალური კვლევისა და ანალიზის ინსტიტუტმა (ISSA) მოსახლეობის გამოკითხვა სამოქალაქო საზოგადოების ფონდის და საქართველოს გაეროს ასოციაციის დონორობით 18-30 იანვარს ჩაატარა. რაოდენობრივი კვლევის სამიზნე ჯგუფი საქართველოს სრულწლოვანი (18+) მოსახლეობა იყო. ინტერვიუერებმა 2 000 რესპონდენტი პირისპირ ინტერვიუს გზით გამოიკითხეს. მეთოდი იყო ალბათური, კლასტერული შერჩევა წინასწარი სტრატიფიკაციით. შერჩევის ცდომილება იყო ±2.2% მთლიანი შერჩევისთვის, 95%-იანი სანდოობით, ხოლო გამოპასუხების წილი: 74.4%.