2025 წელს, ერთიანი ეროვნული გამოცდებისათვის 39 000-ზე მეტი აბიტურიენტი დარეგისტრირდა. ამის შესახებ ინფორმაციას შეფასებისა და გამოცდების ეროვნული ცენტრი აქვეყნებს.

აღნიშნული რიცხვი, 8 000-ით ჩამორჩება წინა წლის მონაცემებს. 2024 წელს, ეროვნული გამოცდებისთვის ელექტრონული რეგისტრაცია 47 000-ზე მეტმა აბიტურიენტმა გაიარა.

აბიტურიენტების არჩევანი საგნების მიხედვით ასე გამოიყურება:

ისტორია - 18 900-ზე მეტი აბიტურიენტი;

მათემატიკა - 13 700-ზე მეტი აბიტურიენტი;

გეოგრაფია - 2 300 აბიტურიენტი;

ლიტერატურა - 1 400-ზე მეტი აბიტურიენტი;

სამოქალაქო განათლება - 2 600-ზე მეტი აბიტურიენტი;

ქიმია - 2 100-ზე მეტი აბიტურიენტი;

ფიზიკა - 900-ზე მეტი აბიტურიენტი;

ბიოლოგია - 3 200- ზე მეტი აბიტურიენტი;

ხელოვნება - 200-ზე მეტი აბიტურიენტი.

Naec-ის ცნობით, საერთო სამაგისტრო გამოცდებში მონაწილეობა 10 000-ზე მეტ კანდიდატს სურს.

ამავე ინფორმაციით, გამოცდების განრიგი დამტკიცებისთანავე გამოქვეყნდება შეფასებისა და გამოცდების ეროვნული ცენტრის ვებგვერდზე www.naec.ge. დეტალური ინფორმაცია გამოცდის თარიღის, საგამოცდო ცენტრის მისამართისა და გამოცხადების დროის თაობაზე მითითებული იქნება საგამოცდო ბარათზე, რომლის ამობეჭდვა, სავარაუდოდ, ივნისის მეორე ნახევრიდან იქნება შესაძლებელი.