“ქართული ოცნების“ მარტვილის მერობის კანდიდატის ალექსანდრე გრიგალავას მხარდასაჭერად თბილისის ახლადარჩეული მერი და პარლამენტის თავმჯდომარე ჩავიდნენ. კულტურის სახლში გამართულ შეხვედრაზე კახი კალაძისა და ირაკლი კობახიძის გარდა სამეგრელო-ზემო სვანეთის გუბერნატორიც იმყოფებოდა. მათ მოსახლეობას არჩევნებზე მოსვლისა და გრიგალავას მხარდაჭერისკენ მოუწოდეს.

21 ოქტომბრის ადგილობრივი თვითმმართველობის არჩევნების ცესკოს პირველადი მონაცემების მიხედვით, „ქართული ოცნების“ მერობის კანდიდატმა ალექსანდრე გრიგალავამ ხმების 49,76% მიიღო. მეორე ადგილზე კი ენმ-ის კანდიდატი მამუკა დანელია გავიდა 35,81%-ით. შესაბამისად, მეორე ტურში, რომელიც 12 ნოემბერს ჩატარდება, ბიულეტენებზე ყოფილი და მმართველი პარტიების კანდიდატები იქნებიან აღნიშნულნი. მიუხედავად იმისა, რომ ენმ-მ მეორე ტურში მონაწილეობაზე უარი თქვა, მერის არჩევნების მეორე რაუნდი მარტვილში მაინც გაიმართება.


ამავე თემაზე:

მარტვილის საოლქო საარჩევნო კომისიამ „ქართული ოცნებისა“ და ენმ-ს საჩივრები არ დააკმაყოფილა