მიმდინარე წლის 6 დეკემბრიდან საქართველოს მთავრობის სარეზერვო ფონდიდან აჭარის, გურიისა და სამეგრელოს მუნიციპალიტეტების მეციტრუსე ფერმერების მიერ ჩაბარებულ ერთ კილოგრამ სტანდარტულ ნაყოფზე, ფერმერი დამატებით 15 თეთრს მიიღებს. ამის შესახებ ინფორმაცია რადიო „ათინათს“ აჭარის სოფლის მეურნეობის სამინისტრომ მიაწოდა. „შემსყიდველის მიერ გადახდილ 35 თეთრზე მეციტრუსე ფერმერი დამატებით 15 თეთრს მიიღებს. აგრეთვე შემსყიდველი ვალდებულია გამყიდველზე 15 თეთრის ასანაზღაყურებლად 2014 წლის 1 მარტამდე შესაბამის მუნიციპალიტეტს წარუდგინოს ფერმერის პრადობის ქსერო ასლი, ფერმერის საბანკო ანგარიში, შესყიდვის აქტი, რომელიც ადგილობრივი გამგეობის მიერ იქნება დამოწმებული და საექსპორტო დეკლარაცია“, - განუცხადა რადიო „ათინათს“ აჭარის სოფლის მეურნეობის მინისტრმა ზაურ ფუტკარაძემ. რაც შეეხება შიდა ბაზარზე გაყიდულ პროდუქციას მასზე 15 თეთრიანი დაფინანსება არ ვრცელდება. არასტანდარტულ 1 კგ. მანდარინზე ფერმერს 10 თეთრს საწარმო ჩაურიცხავს ხოლო მეორე 10 თეთრს ადგილობრივი გამგეობა. დამატებითი ინფორმაციისთვის მოქალაქეებს შეუძლიათ მიმართონ, ბათუმში, სავაჭრო სამრეწველო პალატას, სადაც გახსნილია საინფორმაციო ცენტრი და ასევე დარეკონ ცხელ ხაზზე - 24 78 41 ; 27 28 41; 27 48 43