„საერთაშორისო გამჭვირვალობა- საქართველოს” ზუგდიდის ოფისმა დღეს, 17 დეკემბერს დემოკრატიული ჩართულობის ცენტრში, ადგილობრივი თვითმმართველობის კოდეექსის პროექტზე შენიშვნები და რეკომენდაციები წარმოადგინა. არასამთავრობო ორგანიზაციას ადგილობრივი თვითმმართველობის ახლი კოდექსის, 30-მდე მუხლის მიმართ აქვთ შენიშვნები და რეკომენდაციები. მათ შორის, ქალაქის სტატუსის მინიჭების საკითხზე, ადმინისტრაციული საზღვრების შეცვლის, მუნიციპალიტეტის საკუთარი უფლებამოსილების, უფლებამოსილების დელეგირების წესის, მუნიციპალიტეტის საკრებულოს უფლებამოსილებების და ა.შ. „საერთაშორისო გამჭვირვალობა საქართველოს“ ანალიტიკოსის არჩილ თოდუას განმარტებით, „გამჭვირვალობა“ ეთანხმება იმ მოსაზრებას, რომ ქვეყანაში თვითმართველობის რეფორმის გატარება აუცილებელია, თუმცა აქვე დასძენს, რომ კოდექსი უფრო დახვეწილი და საქართველოს მოქალაქეების ინტერესებს უნდა იყოს მორგებული. „დღეს წარმოვადგინეთ ჩვენი ორგანიზაციის მიერ მომზადებული შენიშვნები და რეკომენდაციები თვითმმართველობის კოდექსთან მიმართებაში. თუმცა ეს შენიშვნები და რეკომენდაციები არ გულისხმობს იმას, რომ კოდექსი არ უნდა იყოს მიღებული“, - ამბობს არჩილ თოდუა. დღევანდელ შეხვედრას ესწრებოდნენ როგორც არასამთავრობო ორგანიზაციებისა და მედიის, ასევე ადგილობრივი თვითმმართველობის წარმომადგნლები.