საქართველოდან უკანონოდ გადინებულმა ფინანსურმა ნაკადებმა 2002 -2011 წლებში 4 მილიარდ 534 მილიონი დოლარი შეადგინა. ”Global Financial Integrity”-ის კვლევის მიხედვით, საქართველოდან 2002 წელს 243 მილიონი ლარის უკანონო ფული გავიდა, პიკს ამ მაჩვენებელმა (884 მილიონ დოლარს) 2008 წელს მიაღწია, 2011 წელს კი 219 მილიონ დოლარამდე შემცირდა. კვლევის მიხედვით, საშუალო წლიურმა მაჩვენებელმა 453 მილიონი დოლარი შეადგინა (მშპ-ს 5-7%) და 144 განვითარებად ქვეყანას შორის 78-ე ადგილი დაიკავა. როგორც უცხოელი ექსპერტები აცხადებენ, მხოლოდ 2011 წელს წინა წელთან შედარებით არალეგალური ფინანსური ნაკადების მოცულობა განვითარებად ქვეყნებში 13.7%-ით გაიზარდა და 946.7 მილიარდ დოლარს მიაღწია. 2002-2011 წლებში კი ამ სახელმწიფოებმა 5,9 ტრილიონი დოლარი დაკარგეს. სიის სათავეში მაჩვენებლის მიხედვით ჩინეთია, რომელიც ყოველწლიურად 107 მილიარდ 557 მილიონ დოლარს კარგავს, შემდეგ მოდის რუსეთი (88 მილიარდ 96 მილიონი დოლარი), მექსიკა (46 მილიარდ 186 მილიონი დოლარი), მალიაზია (37 მილიარდ 38 მილიონი დოლარი) და ინდოეთი (34 მილიარდ 393 მილიონი დოლარი). რაც შეეხება პოსტსაბჭოთა სივრცეს, რუსეთის შემდეგ უკანონო ფულის გადინებით ლიდერობს ყაზახეთი, რომელიც 29-ე ადგილზეა (2,64 მილიარდი დოლარი), 36-ე ადგილზე - ლატვია (2,32 მილიარდი დოლარი), 44-ე ადგილზე - აზერბაიჯანი (1,71 მილიარდი დოლარი), 46-ე ადგილზე - ლიტვა (1,66 მილიარდი დოლარი), 71-ე ადგილზე -სომხეთი (623 მილიონი დოლარი), 72-ე ადგილზე - უკრაინა (622 მილიონი დოლარი). "bpn"