სამეგრელო-ზემო სვანეთის საოლქო პროკურატურასთან საპროტესტო აქცია გაიმართა. სოფელ შამგონაში მცხოვრები არასრულწლოვანის ი. ქ.-ს ახლობლები და მეზობლები, სამი თვის წინ, არასრულწლოვანის გაუპატივების მცდელობისთვის დაკავებულის გათავისუფლებას ითხოვენ. მათი თქმით, დაკავებული უდანაშაულოა და მოზარდებს შორის მხლოდ ფიზიკური დაპირისპირება მოხდა. „ექსპერტიზის დასკვნაში წერია, რომ გაუპატივრების მცდელობას ადგილი არ ჰქონია. სასამართლო პროცესის დაწყებაც ჭიანურდება, ამასობაში ბავშვმა სამჯერ სცადა თავის მოკვლა“, - უთხრა რადიო „ათინათს“ დაკავებულის მეზობელმა ნაზი წყაროზიამ. დაკავებულის ადვოკატი შორენა კალანდია აცხადებს, რომ მისი დაცვის ქვეშ მყოფს ბრალი ექსპერტიზის დასკვნის არსებობის გარეშე წარედგინა, რაც მისივე თქმით, კანონდარღვევაა. "ამის შემდეგაც მივმართეთ ჩვენ სასამართლოს აღმკვეთი ღონისძიების შეცვლის შესახებ, მაგრამ როგორც ხედავთ დღემდე შედეგი არ არის. დაკავებულის ფსიქიკური მდგომარეობა კი მძიმე", - აცხადებს შორენა კალანდია. ამასთან, აქციის მონაწილეები, ოლქის პროკურორთან ითხოვდნენ შეხვედრას, თუმცა მათ პროკურატურიდან არავინ გამოხმაურებია. როგორც დაკავებულის ახლობლები განმარტავენ, მოზარდებს შორის უთანხმოება გასული წლის ოქტომბრერში მოხდა.