ოპოზიცია ხელისუფლებას ვადას საღამომდე აძლევს: თუ პრეზიდენტი ოპონენტების მოთხოვნებს არ დააკმაყოფილებს, ოპოზიციის ლიდერები საყოველთაო მობილიზაციით იმუქრებიან. ასეთია ვიტალი კლიჩკოს პოზიცია, რომელიც მან დემონსტრანტებს ცოტა ხნის წინ გააცნო. ამ დროისთვის კიევის ცენტრში სიმშვიდეა,თუმცა გრუშევსკის ქუჩაზე შეკრებილი მომიტინგეები ბარიკადებს მაინც ამაგრებენ. გუშინდელისგან გასხვავებით, დღეს კიევში მცირედი შეტაკებები მოხდა. დაპირისპირება დღის პირველ ნახევარში მას შემდეგ დაიწყო, რაც ბერკუტმა ქვებითა და ტომრებით მოწყობილი ბარიკადების დაშლა სცადა. თუმცა მცდელობას დემონსტრანტების კონტრშეტევა მოჰყვა. რაც შეეხება დაზარალებულებს, გავრცელებული ცნობით, ბოლო 12 საათში საავადმყოფოებს 25-მა დემონსტრანმა მიმართა, თუმცა დაშავებულთა რიცხვი გაცილებით მეტია. პარალელურად, ადგილობრივი მედიასაშუალებებით ვრცელდება ცნობა, რომ დედაქალაქში საგანგებო მდგომარეობის გამოსაცხადებლად ემზადებიან. დაუდასტურებელი ინფორმაციით, კიევის მისადგომებთან ივანო-ფრანკოვსკის სამხედრო ნაწილებიდან გამოძახებული ოფიცრები არიან მობილიზებულები.