200 – ზე მეტმა ცნობილმა მწერალმა, ჟურნალისტმა, სცენარისტმა ღია წერილით გააკეთა მიმართვა, რომელშიც გააკრიტიკა, რუსეთის ბოლოდროინდელი საკონონმდებლო ინიციატივები არასრულწლოვანთა შორის გეი – პროპაგანდის აკრძალვისა და „ მორწმუნეთა გრძნობების შელახვისათვის“ სასჯელის დაკანონების შესახებ. წერილის ავტორები თვლიან, რომ ეს კანონები „ახრჩობენ სიტყვის თავისუფლებას“. წერილის ხელისმომწერთა შორის 4 ნობელის პრემიის ლაურეატია ლიტერატურის დარგში: გიუნტერ გრასი, ორფან ფამუქი, ელფრიდა ელინეკი და ვოლე შოიინკა. წერილი სოჭის ოლიმპიადის გახსნამდე ორი დღით ადრე გამოქვეყნდა. წერილის ავტორების აზრით, განსაკუთრებულ საფრთხეს მწერალთათვის „მორწმუნეთა გრძნობების შელახვის“ შესახებ კანონი წარმოადგენს, რომელიც თავისუფლების აღკვეთას ითვალისწინებს, ასევე სისხლის სამართლის კოდექსში „ ცილისწამების“ შესახებ მუხლის დაბრუნება. ისინი აცხადებენ, რომ "არ შეუძლიათ გულგრილად უყურონ იმას, თუ როგორ აიძულებენ მათ კოლეგებსა და ჟურნალისტებს ჩუმად იყვნენ ან რისკზე წავიდნენ და შემდეგ დაისაჯონ მხოლოდ იმისთვის, რომ საკუთარი აზრი გამოთქვეს“. მწერლები მოუწოდებენ რუსეთის ხელისუფლებას გააუქმოს ეს კანონები.