საქართველოს ექს-პრეზიდენტი მიხეილ სააკშვილი „იუთუბიზე“ გავრცელებულ ვიდეოს ეხმაურება და ხელისუფლებას სპეკულაციაში ადანაშუალებს. როგორც ექსპრეზიდენტმა ჟურნალისტებს განუცხადა, დღევანდელი ხელისუფლება საგარეო პოლიტიკის ნაცვლად შიდა ინტერიერზეა ორიენტირებული. „ეს ფოტოები სოციალურ ქსელში კი არ გავრცელდა, მთავრობამ გაავრცელა. ყველაფერი გამოძიებულია, მათ შორის უცხოეთში. მე არ ვმონაწილეობ იმ ინტრიგებში, რომელსაც ბინძური სარჩული აქვს. ყველამ კარგად იცის ყვლაფერი, მათ შორის საერთაშორისო არენაზე. ტყუილად ჰგონია ვიღაცას, რომ საერთაშორისო ურთიერთობებში და თუნდაც საქართვლოში ბნელა. რეალურად ყველაფერი გარკვეულია. ნუთუ არ გვესმის რა მდგომარეობაშია საქართველო და რა კონკრეტული რისკებია დღეს. ამ დროს ჩვენ ვაპირებთ რაღაც ღვარძლიანი ამოცანები განვახორციელოთ? ეს არის ამოცანა საქართველოსთვის? ასეთმა მიდგომამ დაღუპა რამდენჯერმე საქართველო. რამდენჯერ ვერ უნდა დავდგეთ ღვარძლის და შურისძიების ზემოთ და არ ვიფიქროთ ჩვენს ქვეყანაზე? ჩემს გარდა რატომ არავინ არ ლაპარაკობს. მე აღარ ვარ თანამდებობის პირი. სად არის პრემიერი? სად არის ჩრდილოვანი პრეზიდენტი?" - განაცხადა სააკაშვილმა.