კამპანიის "ეს შენ გეხება, ისევ გვისმენენ" მონაწილეები დღეს იწყებენ აქციას "1 საათი მოსმენების გარეშე". კამპანიის მონაწილეების ინფორმაციით, აქცია ყოველ პარასკევს 13:00-დან 14:00 საათამდე მობილური ტელეფონების გამორთვას გულისხმობს. "ჩვენ გამოვრთავთ მობილურ ტელეფონებს 1 საათით და მოგიწოდებთ, ამ ფორმით ჩვენთან ერთად გააპროტესტოთ ფარული მიყურადება და შემოურთდეთ კანონის ცვლილების მოთხოვნას", - აცხადებენ კამპანიაში ჩართული ორგანიზაციების წარმომადგენლები. კამპანიის ორგანიზატორები მოუწოდებენ მოქალაქეებს, რომელებსაც არ სურთ ფარული მიყურადებისა და მოსმენების დანერგილი პრაქტიკის გაგრძელება და მხარს უჭერენ მოქმედი კანონმდებლობის ცვლილებას, ჩაერთონ აქციაში. არასამთავრობოების განმარტებით, აქცია პარლამენტში ფარული მიყურადებისა და უკანონო მოსმენების წინააღმდეგ მიმართული საკანონმდებლო პაკეტის მიღებამდე გაგრძელდება.