დღეს, ზუგდიდის დემოკრატიული ჩართულობის ცენტრში კოალიციური პროექტის - „მე ვაფინანსებ“ პრეზენტაცია გაიმართა. ინტერნეტ პლატფორმის მთავარი მიზანია, არასამთავრობო ორგანიზაციისთვის შემოწირულობის მოზიდვის მხარდაჭერა. პროექტს „ახალგაზრდა ფსიქოლოგთა ასოციაცია“ და „რეგიონული განვითარების ქსელი“ ახორციელებს. პროექტი არასამთავრობო ორგანიზაციებს სთავაზობს საკუთარი იდეები და პროექტები ვებ-გვერდზე - www.mevafinanseb.org განათავსონ და დაფინანსება საზოგადოებისგან მიიღონ. დამფინანსებელი შეიძლება იყოს ნებისმიერი პირი, რომელიც ამა თუ იმ პროექტის მხარდასაჭერად თანხას მარტივად, პლასტიკური ბარათის მეშვეობით გადარიცხავს. პროექტის ფარგლებში გამოცხადებულ კონკურში ნებისმიერ არასამთავრობო ორგანიზაციას შეუძლოა მონაწილეობის მიღება. ორგანიზაციებმა საკონკურსო განაცხადები მაილზე - This e-mail address is being protected from spambots. You need JavaScript enabled to view it უნდა გადააგზავნონ. საზოგადოებრივი დაფინანსების ინტერნეტ პლატფორმა მსოფლიოს მრავალ ქვეყანაში აპრობირებული მეთოდია. როგორც შეხვედრაზე პროექტის ხელმძღვანელმა, ნინიკო გლახაშვილმა აღნიშნა, საზოგადოებრივი დაფინანსების საიტებმა, მსოფლიოს მასშტაბით, კომპანიებს და კერძო პირებს მილიარდობით დოლარის მოზიდვაში დაეხმარათ. პროექტი “ფონდ ღია” საზოგადოება საქართველოს ფინანსური მხარდაჭერით ხორციელდება.