არჩევნების დღეს ხმის მიცემა მცირედი დარღვევებით მიმდინარეობდა, თუმცა თბილისის ყოფილი მერის, გიგი უგულავას წინააღმდეგ აღძრულმა სამართლებრივმა ქმედებებმა დაძაბა წინასაარჩევნო გარემო , - ამის შესახებ ჰოლანდიის, დიდი ბრიტანეთისა და ამერიკის შეერთებული შტატების საელჩოების ერთობლივ განცხადებაშია ნათქვამი. ამასთან, ელჩები მთავრობას მართლმსაჯულების დამოუკიდებლობის შენარჩუნებისკენ მოუწოდებს. "არჩევნების დღეს ხმის მიცემა მცირედი დარღვევებით მიმდინარეობდა, თუმცა ყოფილი თბილისის მერის გიგი უგულავას წინააღმდეგ აღძრულმა სამართლებრივმა ქმედებებმა დაძაბა წინასაარჩევნო გარემო. ჩვენ კვლავ თხოვნით მივმართავთ მთავრობას, შეინარჩუნოს უმაღლესი სტანდარი პროცედურების წარმოებისას და მართლმსაჯულების დამოუკიდებლობა, რომელიც თავისუფელი იქნება ნებისმიერი სახის პოლიტიკური ჩარევისაგან. ახლა, როდესაც უკვე არჩევანი გაკეთებულია, ჩვენ მოვუწოდებთ ყველა პოლიტიკურ პარტიას თანამშრომლობისკენ, რაც ხელს შეუწყობს ეკონომიკის ზრდას, გააძლიერებს დემოკრატიულ ინსტიტუტებს და გაამყარებს საქართველოს ევრო-ატლანტიკურ მისწრაფებეს. ჩევნ ველით თანამშრომლობას საქართველოს მთავრობასთან, ოპოზიციასთან და სამოქალაქო საზოგადოებასთან, რაც კიდევ ერთხელ გააღრმავებს ჩვენს სტრატეგიულ პარტნიორობას და მიმართული იქნება საქართველოს მომავლისკენ", - ნათქვამია აშშ-ის, დიდი ბრიტანეთისა და ჰოლანდიის საელჩოების ერთობლივ განცხადებაში.