ცნობილი ფრანგული სატირული ჟურნალის "შარლი ებდოს" წამყვანი კარიკატურისტი, რენალდ ლუზე გამოცემას ტოვებს. "ბიბისის" ცნობით, ლუზე, რომელიც აღნიშნულ ჟურნალში 1992 წლიდან მუშაობდა, აცხადებს, რომ მისთვის დაკარგული კოლეგების გარეშე გამოცემაში მუშაობა რთულია. "თითოეული ახალი ნომრის გამოცემა ჩემთვის ტანჯვაა", - განაცხადა კარიკატურისტმა. მისი თქმით, იგი სექტემბრიდან "შარლი ებდოს" თანამშრომელი აღარ იქნება. ფრანგულ გამოცემა "შარლი ებდოს" რედაქციას პარიზში, 7 იანვარს თავს დაესხნენ, ორმა შეიარაღებულმა ისლამისტმა 12 ადამიანი მოკლა. თავდასხმა მუჰამედ წინასწარმეტყველის კარიკატურების გამოქვეყნებამ გამოიწვია. მიუხედავად ამისა, ჟურნალმა ახალი ნომრების გამოცემა მაინც არ შეწყვიტა. თავდასხმის შემდეგ გამოცემული ნომრის პირველ გვერდზე სწორედ რელანდ ლუზეს კარიკატურა მოხვდა, მასზე წინასწარმეტყველი მუჰამედი იყო გამოსახული, რომელსაც ხელში ეჭირა წარწერა "მე ვარ შარლი".