ინგრედიენტები:
- თხილი 100 გ
- ნუში 100 გ
- ცუკატების ნარევი (ალუბლის, შტოშის, ფინიკის) 120 გ
- 1 ლიმონის ცედრა
- დაშაქრული ანანასი 100 გ
- შაქარი 150 გ
- თაფლი 150 გ
- ფქვილი 80 გ
- დარიჩინი 1 ჩ.კ
- ჯანჯაფილი, დაფქული 1/2 ჩ.კ
- მიხაკი, დაფქული 1/4 ჩ.კ
- მარილი და პილპილი მწიკვი
- კარაქი 50 გ
20 სმ დიამეტრის ფორმას წავუსვათ კარაქი და ასევე კარაქწასმული ქაღალდი ჩავაფინოთ.
თხილეული მსუბუქად მოვხალოთ ტაფაზე ან ღუმელში და გავაციოთ. შევურიოთ ცუკატები, ანანასი, ლიმონის ცედრა ფქვილი და სანელებლები.
ღუმელი 160 გრადუსზე გავახუროთ.
თაფლი, კარაქი და შაქარი ერთმანეთს შევურიოთ. დავდგათ ცეცხლზე და 2-3 წუთი ვადუღოთ. დავასხათ თხილეულის ნარევს და სწრაფად გადავურიოთ. გადავიტანოთ ფორმაში, კარგად მოვასწოროთ და 35 წუთი ვაცხოთ. მეტი არა, თორემ მეტისმეტად გამაგრდება.
პანფორტე საკმაოდ დიდხანს ინახება მშრალ, გრილ ადგილას, ქაღალდში შეხვეული
მასალის გამოყენების პირობები