მაქსიმ პოზდოროვკინის და მაიკ ლარნერის ბრიტანული დოკუმენტური ფილმი "საჩვენებლი პროცესი: Pussy Riot–ის ისტორია" ამერიკული კინოპრემიის ოსკარის შორთ – ლისტში მოხვდა. კომპანია Roast Beef Productions Ltd – ს მიერ გადაღებული ფილმები იმ 15 ნამუშევარს შორის მოხვდა, რომლებიც 147 ლენტიდან შეირჩა. ამჯერად ამერიკული კინოაკადემიის წევრებს, ნომინაციაზე წარსადგენი ხუთი ფილმის შერჩევა მოუწევთ. ფილმი დაწვრილებით აღწერს პანკ –ჯგუფის წევრების: ნადეჟდა ტოლოკონნიკოვას, მარია ალიოხინას და ეკატერინა სამუცევიჩის სასამართლო პროცესს, რომელიც 2012 წლის მარტიდან აგვისტომდე გაგრძელდა. ფილმის ავტორებმა ინტერვიუ ჩამოართვეს მარია ალიოხინას დედას და ნადეჟდა ტოლოკონნიკოვას მამას, ასევე სკანდალური პანკ–კოლექტივის სხვა გასამართლებულ წევრებს. ფილმს პრემიერა 2013 წლის 18 იანვარს კონფესტივალ Sundance–ზე შედგა, სადაც სურათმა ჟიურის სპეციალური პრიზი მიიღო. ამის შემდეგ, ფილმის ჩვენების უფლება ამერიკულმა ტელეარხმა, HBO–მ მოიპოვა. 2013 წლის ოქტომბერში ფილმი ბი–ბი–სიმ უჩვენა. ფილმის ავტორები თვლიან, რომ Pussy Riot–ს დიდი საერთაშორისო ზეგავლენა აქვს.