სადაზღვევო კომპანია "ალდაგს" დასავლეთის ინფექციური ცენტრი "მედიქალსითი" უპირისპირდება. "ალდაგი სიცრუის მანქანაა", "არ ანდოთ თქვენი ჯანმრთელობა ალდაგს" - ამ სლოგანით ამ წუთებში, "მედიქალსითის" თანამშრომლები ქუთაისში "ალდაგის" ოფისის წინ საპროტესტო აქციას მართავენ. ისინი სადაზღვევო კომპანიას ოთხი თვის (ივლისი, აგვისტო, სექტემბერი, ოქტომებრი) დავალიანებას სთხოვენ, რომელიც 13 000 ლარიდან 18 000 ლარამდე მერყეობს. "ჩვენ ვითხოვთ, იმ დავალიანებას, რომელიც თვითონაც აქვთ აღარებული, მაგრამ გადახდილი ამ დრომდე არ აქვთ."ალდაგი" ყველა კანონზე მაღლა დგომას არის მიჩვეული", - განაცხადა აქციაზე "მედიქალსითის" დირექტორის მოადგილემ, გია გრძელიძემ. კომპანია "ალდაგის" წარმომადგენელთა განცხადებით, ისინი "მედიქალსითმა" დოკუმენტაციის შესამოწმებლად არ შეუშვა, რის შემდეგაც უნდა მომხდარიყო დავალიანების დარიცხავა. სადაზღვევო კომპანიის ამ განცხადებასზე გია გრძელიძე ამბობს: "ეს განცხადება არის ტყული. ჩვენ რა დავალიანებასაც ვთხოვთ, ეგ მათაც აქვთ აღიარებული. ისინი 2009 წლიდან ამ დრომდე ინსპექტირებას ითხოვენ, რისი უფლებაც არ აქვს. "ალდაგი" ცრუპენტელაა", - განმარტა გრძელიძემ. წყარო:"News Press"