სამეგრელოს რეგიონის რამდენიმე სოფელში, ტყაიაში, რიყესა და რუხში სასმელი წყლის მილების ამოღებასთან დაკავშირებით „სამეგრელოს ხმის“ ლიდერი თენგიზ ჯგუშია და დაზარალებული მოსახლეობა სამეგრელო-ზემო სვანეთის საოლქო პროკურორს გიზო უბილავასა და რეგიონული განვითარების ადა ინფრასტრუქტურის მინისტრს დავით ნარმანაის მიმართავს. იგი გიზო უბილავვსგან საქმის დეტალურ გამოძიებას, ხალხისთვის მიღენებული ზიანის ანაზღაურებას და დამნაშავე პირების დასჯას ითხოვს. თენგიზ ჯგუშია აღნიშნავს, რომ აღნიშნული საკითხი ვალერიან იოსავას პროკურორობის დროსაც იყო ძიებაში, თუმცა რაიმე სახის რეგირება არ ყოფილა. იგი ასევე უმოქმედობაში სდებს ბრალს სამეგრელო -ზემო სვანეთის სამხარეო პოლიციის უფროს ლევან შონიას. რაც შეეება დავით ნარმანის ჯგუშიას მრკიცებით მინისტრმა მის დაქვემდებარებასი არსებული სამინისტროს ბალანსზე რიცხული მილების მიტაცების შესახებ დაახლოებით 5 თვის წინ სწორედ ჯგუშიასგან შეითყო და ხალხს საქმის შესწავლას და ზარალის კომპენსირებას დაპირდა, თუმცა სამეგრელოს ხმის ლიდერი აღნიშნავს, რომ საქმე ამ დრომე არ გამოძიებულა. მოსახლეობა კი უკვე ერთი წელია სამართლიანობის აღდგენას და მილების უკან დაბრუნებას ითხოვს. სოფელ ტყაიის მკვიდრი დემურ ფიფია აღნიშნავს, რომ მიუხედავად მათი არაერთი მცდელობისა საქმე ადგილიდან არ იძვრის. სასმელი წყალი არ გვაქვს და წყაროდან ხელით ვეზიდებით, განმარტავს, სოფელ რიყის მაცხოვრებელი ნუგზარ ვეკუა. ცნობისთვის სოფელ რიყიდან სასმელი წყლის 3 კმ-მდე სიგრძის მილი, გასული წლის დეკემბერში, ჯერჯერობით დაუდგენელმა პირებმა თვითნებურად ამოიღეს.